FAINA HAPTA HMAN MEK A NI

Kumtin a kan lo tih tawh thin dan angin Mizoram chuan “Faina Hapta” a hmang mek a, hripui leng avangin kum dang anga a huho a hnatlanga hman theih erawh a ni lo. Chumi a nih avang chuan ‘Faina- kan in leh a chhehvel atangin’ tih chu thupui ah hman a ni.

Faina Hapta hi October ni 2 khan Mizoramah hman tan a ni a, Mizoram khawpui 28-ah a hawnna hun hman a ni. Nursery Veng Local Council chuan chhungtin hnen ah ngenna a chhuah tawh a, chumi zawm chuan Nursery Veng chhungtin te chuan mahni in leh a vel te, side drain, lamlian leh Step te tihfaina an nei hlawm a ni.

Chhungtin hemi den chhen a mahni in leh a vel tifai tu te chungah lawmthu kan sawi a, faina kawngah tan la zel turin mitin kan inngen bawk a ni. Chenna inbul luikawr velah te bawlhhlawh paih mai mai lo turin leh bawlhhlawh paih dan tur sawrkar in a ruahman anga kal hram hram turin kan in hriattir thar leh e.

Thenawm leh vantlang tan a hnawksak zawnga ran vulh lo tur te, insakna bungrua kawng ti chep leh ti chhe thei zawng a dah hnawk lo tur te, tui chhia kan paih dan ah midang tana hnawk a paih lo hram tur te leh kawngpui dung tihuh tam zawnga lirthei te sil lo hram turin kan in ngen in kan in hriattir leh bawk e.

Sd/-
Secretary
Local Council, Nursery Veng

Leave a Reply