FAINA HAPTA HNATLANG NEIH A NI

October 2, 2018 (Thawhlehni) kha India Hnam Pa, Mahatma Gandhi piancham a ni a. Hemi Chawlhkar hi ‘Faina Hapta’ atan kumtin hman thin a ni a, hemi pual hian Nursery Veng Local Council chuan October 2, 2018 zingkar khan veng chhung tihfai hnatlang a ko a, mi 200 vel zet an thawk chhuak a ni.

Hnatlang a thawk chhuakte hi Govt. M/S tualah kal khawmin Local Council Chairman Pu C Darthankima’n thuchah tawi a sawi a, faina lam hawi thu ziakte kengin an au rual bawk a ni.

Hemi zawh hian hnatlangte hi hmun thumah in then in Y- Section, M-Section leh A- Section atanga thawk chhuakte chuan an mahni Section theuh ti faiin hna an thawk chhunzawm nghal a, kawng sir tuihawk luankawr, ko pang leh kawngpui dungte an ti fai a ni.

Hnatlanga thawk chhuak zingah Naupang an tha-hnem hle a, heng naupangte hian kawngpuia bawlhhlawhte chhar khawmin an ti fai a, an tangkai takzet a ni.

Hnatlanga thawk chhuak zawng zawngte chungah Nursery Veng Local Council chuan lawmthu a sawi a, veng chhung vawn fai kawngah tan la chhunzawm zel turin chhungtinte a ngen bawk a ni.

Leave a Reply