FAINA LEH THIANGHLIMNA INZIRTIRNA

1. Tifaitu chuan a ram leh hnam tan hna tha a thawk a ni.

2. Mahni kawmthlangah leh Tukverhah te bawlhhlawh paih mai mai loh tur a ni.

3. Faina hian hlimna a thlen a, bal in rilru thianghlim lo min thlen thung.

4. Ruahsur lai denchhena tuiluankawra bawlhhlawh paih hi chin loh tur a ni a, midang tan hnawk a ni thei. Bawlhhlawh paih fimkhur loh hian chhiatna nasa zawk a thlen thei.

5. Naupangten faina an nunpui theihnan nu leh pa ten faina chungchang hi chhungkuaah i sawi thin ang u.

6. Taksa vawn fai leh enkawl that hi damreina leh hriselna a ni a, sum tam tak hlepna a ni.

7. Faina chauh hi natna hrang hrang hnawt darh theitu a ni.

8. Vantlang kawng leh kawngpui dunga cheng ten, kan kawt zawn kawngpui leh Step te fai taka enkawl hi kan mawhphurhnaah i ngai ang u.

9. Kawng kal laia kan thil eina kawrte kawngah paih mai lovin, bawlhhlawh bawmah paih hram hram ila, paihna remchang a awm loh chuan ipte ah ak rih mai ila a tha ber.

10. Lirthei atanga bawlhhlawh paih hi a mawi lovin a changkang lo tak zet a, keini chuan i ching ve lo ang u.

11. A khat tawkin kan Septic Tank te a put leh put loh enfiah thin tur a ni, midang tan rimchhia leh tenawm mai a ni si a. Ruahsur denchhen leh tuichhe paih remchanga hmanga Septic Tank sah hi chin loh ni bawk se. Kan kawtkai velah Zun In kan siam a nih pawhin, thenawmte tana rimchhe lo tura enkawl a tul hle bawk.

12. Kan Vawk In leh Ar In te hi midang tana rimchhe lo tura enkawl tur a ni.

13. Changkanna leh fai hi thil inkawp tlat a ni a, fai an hrisel a, fai loh chuan a hrisel theih loh.

14. Fai hi zahawma min awmtirtu a ni.

15. Mimal faiin midang a tihbawlhhlawh chuan pawi a khawih a ni. Vengsang ho fai duh bawlhhlawh paihin venghnuaiho pawi a khawih tlat. Mahni bawlhhlawh paih fimkhur loh hian thenawmte leh kawmthlangte a tibuai thei.

16. Kan eizawnna hmun hi fai tak leh zahawm taka enkawl hi kan tih tur a ni a, mipuiin an dawr chak tur khawpa kan enkawl uluk a tul hle.

17. Pawn-ah emaw, verandah-ah emaw, inchhungah emaw bawlhhlawh bawm dah a nih chuan chhin neiin, hmuh hahdam takin siam tur a ni.

18. Inchhung bungbel leh thil eina hmanrua te a faiin a thianghlim tur a ni a, Ei tur siamna hmun (choka) te a fel fai tur a ni.

19. Faina kan ngaihpawimawh danah hian miin min teh fo tih hi i theihnghilh lo ang u.

Leave a Reply