FAMILY LAND RECORD SURVEY OPERATION GUIDE LINE

A. THUHMA Ram leh hnam humhalhna leh Mizoram siam thar nan Family Land Record hi hna hmasa leh tih makmawha ngaiin Sawrkar leh Central YMA Committee chuan hmalak ho tul a ti a, khawtinah YMA Branchte tlawmngaihna leh tha leh zung hmanga hmalaknain dik tak leh kim taka Operation thlak a nih theih nan, ahnuaia kaihhruaina hi tha taka zawm tur a siam a ni. Thawktute tha hah man chu Sawrkar-in a tum dawn a ni.

B. A HMANNA LEH TULNATE:-
1. Ram mamawh tak takte hriat theih nan.
2. Khua leh tui, ram mi dik takte chauhvin ram neitu nihna an neih theih nan.
3. Mi hausa leh thei bik ten mipui an nek chep lutuk ven nan.
4. Ram hralh a, sumdawn nana hmangte ven nan.
5. Chhiah dik leh kim zawk a khawn theih nan.
6. Ram developmemt tithuanawp khawpa ram pass leh Compensation pung thut ven nan.
7. Hmasawnnain a ken Land Record Computerist nan.
8. Transperency (Langtlang) Sawrkar leh mipui tan.
9. He Land Record atang hian Patta Pass book siam a ni anga, chu chu khua leh tui nihna lantirtu leh Department dang hma lakna atan pawh phut (demand) thin a ni ang. He Patta/Pass book hmang hian chhiah lak a ni anga, heta tang tho hian ram dilte enfiahsak an ni ang.
10. Ram singsak felna (Land Reform) bul tanna tur a ni.
11. Ram neih theih chin bituk (Land Ceiling Act & Rule) tlawhchhan atan.

C. SURVEY DAN TUR:
1. Dik lo leh zep then awm lova hma lak a ngaih avangin Tlangau-a koh khawm mai ovin, in tinah, chhungkaw luber awm lai ngeia luh chhuah nise.
2. He Survey laia telh loh chu Ram leh hmun nei lova ngaih an nih thu hi In tinah hrilhfiah ngei tur.
3. He Family Land Record Survey-ah hian Sorkarin Pass a pek, LSC, House Pass, P.P, Shop Pass, Stall Pass, District Council Passte hi ziah luh tur a ni ang.
4. Town leh Sub-Town a la puan loh khuaah chuan VC hriatpuia in dingte chu VC Pass-neia ngaih an ni a, VC Pass tia ziah luh theih a ni ang.
5. Town leh Sub-Towna puan chhungah VC hriatpuiin In ding mahse Sawrkar Pass an neih loh chuan ziah luh loh tur a ni.
6. Huan, Leilet leh Farm engpawh Sawrkar Pass nei lo chu ziah luh loh tur a ni.
7. NGO. Society leh Vantlang ramte Sawrkar Pass nei reng reng chu Land recordah telh tur a ni a, pawl hming kha head of family ah ziah tur a ni.
8. EPIC nei emaw, Electoral Roll-a chuang chhungkua chauh record tur ni.
9. Mahni khaw ram bakah khaw danga Ram Pass neihte ziah vek tur a ni.
10. Mahni Family Land Record-a telh Family memberte hmundanga khawsate chu he Family Land Record-ah an telh tawhj avangin an awm hrannah telh tawh loh tur a ni tih hi an chhungte theuh lo in hriattir tura ngen zel nise
11. Mizoram mi, Electoral Roll-a awm ngeite chu in leh ram nei miah lo mahse, he Record ah hian telh tho tur an ni a. Ram, Pass ziahna form hnung colimn-ah ‘NIL’ a chuang tur a ni mai.
12. He Land Record-a chuang lo chu ram nei lo anga ngaih tur a nih avangin ram neih ang chu kim taka form-ah hian ziah luh tur a ni a, pakhatna hnuaia intiamna pawh hi family head ngeiin sign tur a ni.
13. Form fill-up leh kalpui dan tur chungchanga harsatna nei ten heng phone No.ah hian Office hun chhungin zawh theih ang:
14. Survey tute hian in tinah kalin an pass neih ang angte enfiahin ziah luh tur a ni.

(He Family Land Record Survey hi Mipui ten kan lo hriat lawk atan leh kan inbuatsaih lawk theih nan a chhuah a ni……Editor)

Leave a Reply