HALL COMMITTEE THUTKHAWM A NI

Nimin Ni 13.8.2011 (Inrinni) zing dar 7:00 AM khan VC Hall -ah Nursery Veng Hall Committee thutkhawm a ni a, member an kal tha hle a, Hall sak tura hmalakna tur kawng hrang hrang relho a ni a, hmalak tawhna te, hmalakna kal mek leh hmachhawp hrang hrangte sawiho a ni bawk.

He Meeting Pu C.Darthankima, Hall Committee Chairman, Local Council Chairman ni bawk kaihhruaiah hian Middle School rama Nursery Vengin Hall nei tura hmalakna thlen chin report chipchiar taka ngaihthlak a ni a. School Education Department leh Rural Development Department te nen hlawhtling taka indawr tawhna te sawiho a ni bawk.

Middle School-a Hall sak tur atan hian tunah Architecture ruaia a sak dan tur ruangam (drawing) leh Plan & Estimate zawh tawh a ni a, a remchan chuan kimchang taka la rawn tarlan a ni ang.

Hall sak hna hi tan thuai tuma hmachhawp a ni a, tuna Hall Committee-in sum a neih sa tlem te hmang hian bul tan phawt a ni ang. Sum hi Rural Development Department atanga dawn a ni.

Leave a Reply