Hmasawnna

Ram, Khua leh Vengin hma a sawn dawn chuan a chhunga chengte kan pawimawh. Hmasawnna hi amah maiin a awm thei lo va, veng upat vang emaw thil dang vang emaw pawh nise hmasawnna nei tur chuan a chhunga cheng te’n theih tawp kan chhuah a kan thawh a ngai a ni.

Kan veng pawh tunah hian hmalam panin kan kal ve mek niin a lang a, a lawmawm hle a ni. Titi honaah te, veng upa zawk leh changtlung zawkte awhawm zia leh an neih ang Hall, Field etc. neih ve a chakawm ziate kan sawi thin a. Veng upa zawk leh changtlung zawkte han thlir hian an veng mipui thawh hona leh an Veng tana an inpekna te hi kan thlir tel a ngai a ni. Hmasawnna kawngzawh tur hian veng chhung mi mimal tinte hian tangkaina hrang hrang kan nei theuh a, chung kan theihna chi hrang hrang kan thawh khawm hian nasa takin hna a thawh thei ani tih hria in, ate emaw a lian emaw pawh ni se, kan tan tlanna hian nasatakin rah a chhuah thin, mi Veng hmasawn dan sawi mai mai lo hian kan veng tan enge ka tih theih tihi kan in zawh fo a tul khawp mai. kan hmuh leh hriat tehi a taka chantir thei turin kan hmazawn theuhah tihtheih kan nei tih hria in tan ila tlang ang u.

Khawvel hmasawnna hian min kalkan bik hauh lova, kan hmaah, kan banphak ah hian a awmreng a ni tih i hre thar leh ang u. Kan tanruala khawtlang hmasawnna tura kan hmachhawp tinreng tehi lungrual taka kan thawh tlan phawt chuan, Mi veng hmasawnna kan sawi fo thin hi a takin kan chang ve mai dawn tanrual hi chakna ani si a.

Leave a Reply