HNAM CHHAN HNATLANG NEIH A NI

– Lalhmachhuana
Secretary
NGO Co-Ordination Committee
& General Secretary, CYMA

November 7, 2018 (Thawhlehni) khan NGO Coordination Committee (Joint NGO) huaihawt in Mizoram Chief Electoral Officer (CEO) SB Shashank Mizoram atanga sawn chhuah phut nan leh Mizoram atanga an duh thu ngeia chhuak Bru-te an awmna hmun Tripura a vote thlak tir loh phutin Hnam Hnatlang neih a ni a, Aizawl mai bakah District khawpuite leh khaw hrang hrangah hnatlang hi neih a ni.

Hnamchhan Hnatlang neih a nihchhan :- Kum 22 lai mai Mizoram chhuahsan tawhTuikuk Tripura Transit Camp-a awm, Mizoram let tura Vawi-8 lai RepatriationSorkarin a neih hnu pawh a let duh lo te Dt 28. Nov. 2018 a Mizoram General Election (MLA) thlanna neihtur a Vote thlaktir tum a nih dan leh E- Roll Revision neihpui an nih dan ah Chief Electoral Officer (CEO) Mizoram S.B. Shashank IAS hmalak dan duh lovin NGO Co-ordination Committee,(CYMA, MUP, MHIP, MZP, MSU) hmalakna in Dt 05.Nov.2018 nitlak hma ngeia Mizoram chhuahsan turin Ultimation siam a ni a, S.B. Shashank hian Mizoram a chhuahsan tak loh avangin Dt 06.11.2018 Zing dar 8:00 atangin lungawilohna lantir in a Office kaltur dan nan hnam chhan hnatlang hi koh a ni.

Hnam chhan hnatlang hi, Aizawl, Lunglei, Champhai, Serchhip, Kolasib lehMamit ah te neih a ni a, Aizawl ah chuan Treasury Square ah mipui 50000 (Singnga) chuang an pung khawm a, District dangah hian DC Office (District Election Office) hnathawk thei lova dan an ni.

Joint NGO- te thilphut :- S.B. Shashank CEO Mizoram hi a hna thawk zui lova Mizoram chhuahsan tura tih a nihna chhan chu- A hnathawh danah Election Commission of India (ECI) -in ti tura an tih a ni tih chhuanlam a hmanginTuikuk, Tripura Transit Camp-a awmte tan hian hma a la nasa hle a, Jt NGO te thilphut tihhlawhtlin tum lovin hma a la zel a, Mizoram Sorkar hmalak dan te pawh ECI-ah October 29, 2018 khan a hek ta zawk a, chumi avang chuan November 1, 2018 khan Pu Lalnunmawia Chuaungo, IAS, Principal Secretary (Home Department) chu Mizoram atanga sawn chhuah a ni hial a ni.

Hnamchhan hnatlang neitura hmalak a nih chhoh dan : S.B. Shashank an Mizoram Sorkar a hekna hi Dt 2/Nov/2018 tlaiah NGO hruaituten an hre nghal a, November 2, 2018 ah Meeting neiin hmalak dan turte duan nghal a ni. Information a tul ang anga inpe in, Aizawl ah chuan November 5, 2018 zanah City Branch hruaitute inkoh khawm niin, inhrilfiahna te neih a ni a, Sub-Hqrs YMA-ah hriattirna te pek nghal a ni bawk.

Jt. NGO te thil phut :
1. Election kaihhnawih reng reng Mizoram pawn a tihtawh loh nise.
2. Tripura Transit Camp- a awmTuikuk, Mizoram Electoral Roll-a chuangte hi ECI in ziaka a lo intiam tawh ang ngei in Mizoram chhunga an awmna ah Vote thlak tir ni rawh se.(7th April 2014 ECI Order)
3. Mizoram inthlanpui neih tura a hmalak dan Jt. NGO ten kan rintawk tawh loh avangin S.B. Shashank IAS, CEO hian Mizoram chhuahsan rawh se.

Lawmthu sawina :
Jt. NGO in Hnam chhan hnatlang Mizoram puma a huaihawt ah hian kan hmalakna min tawiawmtu zawng zawngte chungah lawmthu kan sawi a, Mizo mipui hnam chhan hnatlanga thawk chhuak zawng zawng ten Hnamrilru pu a ke kan pen na ah lawmthu kan sawitak zet a ni. Heng a hnuaia mite hnenah hian a bik takin lawmthu kan sawi a ni.
1. Mizoram mipui zawng zawng
2. MCS Association
3. MPS/MAPA
4. Commercial Vehicle te
5. Sorkar hnathawk FMGE&W Association
6. Mizoram Independent School Association
7. MJA
8. Mimal leh pawl thahnem ngai a in pe zawng zawngte.

Hlawhtlinna :
Mizoram mipuiten kan duh lohzia kan lantir avangin, S.B. Shashank IAS CEO chuanDt 7/Nov/2018 chhun Dar 12:45 khan a bungrua telin Mizoram a chhuahsan ta a, ECI pawhin hemi chungchang ah hian Team te a rawn tirh phah hial a ni. ECI lamah pawhTuikuk Tripura-a awmte chet phung diklo pawh theihtawp a hrilhhriat an ni a, Tuikukte duhsakna a hranpa a lantir tawhlo turin ziak a thlen a ni bawk.

ECI palaite hi a vawi 2 nan November 9 khan an lo kal leh a, All NGO Coordination Committee hruaitute nen inkawm nghalin ECI palaite chuan Tripura Relief Camp-a Bru awmte chu an awmna hmunah vote thlak tir an nih dawn loh thu leh, Mizoram Chief Electoral Officer SB Shashank chu Mizoram atanga sawn chhuah a nih tur thu NGO Coordination Committee hruaitute hi an hrilh a ni.

S.B. Shashanka’n Mizoram a chhuahsan tak avangin, kan duh loh lantirna pawh Mizoram pumah tihtawp venghal a ni a. Amaherawhchu, hmalakna tur hi ala tawpmailova, thiltha zawk kan hmuh theih nan thuneitute hnenah NGO chuan a tul angin hma a lakchhunzawm zel dawn a ni.

Leave a Reply