Hnatlang tam ber record siam tur a, Nursery veng mipuite sawmna leh ngenna

– C. Darthankima
Chairman, Nursery Veng Local Council

Nursery veng mipui te u, a hmasa in Local Council hmingin chibai kan buk a che u. A chunga thupui kan tarlan ang hian, khawnge, i in sangmar ila, mi ten World Record siam an tum laiin keini chuan Nursery Veng hnatlang tam ber record siam i tum teh ang.

A-Section huamchhunga mite chu Middle School-ah innghahkhawm tur a ni a. Leader a tan Pu C.Lalzamliana, L/C Vice Chairman a ni anga. A puibawm turin Section YMA hruaitute an ni ang a, A-Section huamchhunga thawhngai lai lai an thawk ang.

Y-Section huamchhung ami te chu Model English School- ah chhuah khawm tur a ni a, Leader a tan Pu C.Lalchawia, L/C Treasurer a ni ang. Amah puibawm turin Y-Section hruaitute an ni ang a, Y-Section huamchhunga thawhngai lai lai an thawk ang.

M-Section huamchhunga mi te chu YMA Hall-ah innghahkhawm tur a ni ang a. Leader atan Pu C.Darthankima, L/C Chairman a ni ang. A mah puibawm turin M-Section hruaitute an ni ang a, M-Section huamchhunga thawh ngai lai lai te an thawk ang.

He hnatlangah hian in run a awm lo ang a. A duh chuan tlemlua leh tam lua awm lovin a phat theih thung ang chhungkhat atangin mipakhat aia tam pawh thawh theih a ni, hnatlanga thawkchhuak hming te hi record a vawn that tur ani ang.

Hnatlan hun leh ni tur chu ni 26.10.2011 (Nilaini) a ni a, Dar 9:30 a.m. ah chhuah khawm tur a ni.

Hnatlangin a tum chu, Aizawl veng 78 ah hian khawtlang anga tan kan lak chuan veng faiber kan ni thei a ni.

Hmanni dt.10.10.2011 faina hapta kharna leh lawmman sen ni khan ka tel ve a, Aizawl Veng 78- ah veng fai sawm an thlang chhuak a. Chutah chuan Nursery Veng hi kan tel ve a, a va lawm awm em! tlema tan kan lak leh chuan top 10 atangin top 3 emaw topper- ah emaw ah pawh kan inhlang kai thei a ni. Idol hla chuan ‘Kha mah mah kan vei lam leh nghal’ a ti a. Kha mah mah kan la tang tha duhlo leh nghal.

Local Council ten mahni in leh a vel tihfai vek tur an ti a. Mi thenkhat in an zawm that viau rual in thenkhatin an zawm tha tawk lo va, a pawi hle a ni. Chuti chungin Veng 78-ah top 10-ah kan lang thei a, ‘Kha mah mah i tel lo leh nghal’. Kan tel tlan hunah chuan lawmman hi kan la la ve ngei ang.

Kan Pathian thu chuan “Nangni in thianghlim tur a ni, kei ka thianghlim si a” a ti. Chhungtin kan fai leh kan thianghlim hian vengfai leh thianghlim nihna ani mai a. In vawngfai tlang ila, a hmun lovah bawlhhlawh paih lo ila, mitinin faina leh thianghlimna ngaipawimawh i la, nang leh kei kan tan chuan veng fai leh nuam kan siam thei reng a ni.

Ka lawm e.

Leave a Reply