HRIATTIRNA

Covid-19 hripui chu kan ramah darh zelin, Aizawl District chu Mizoram chhunga hrikai tamna ber District a ni a. Chuvangin Mizoram Sawrkar chuan Total Lockdown a puang a. He Total Lockdown hi hlawhtling taka kalpui a nih theih nan leh he hripui laka kan him zel theih nan, LLTF/VLTF leh mipuiten a hnuaia tarlan te hi zawm ngei tur a ni:

1. HMUN PAWIMAWH LAIA HRUI PAWH:
LLTF /VLTF tin ten an veng/khua theuha kawn leh chhuah ruk theihna leh hmun pawimawh te lo thlang chhuakin, chung hmunah te chuan hrui pawtin duty dah tur a ni a, tul lo leh danin a phal chin baka mipui chhuak vak an awm lohna turin uluk taka duty tura ngen leh hriattir an ni hawk.

2. AURINNA HMANGA MIPUI ZIRTIR:
LLTF/ VLTF tin ten aurinna hmangin Sawrkarin Covid-19 laka kan himna tura Total Lockdown inkaihhruaina a siam leh Covid Appropriate Behaviour – midang nena inhlata awm, intlawhpawh loh, mask vuah that leh kut silfai ngun te – zau tak leh uar takin mipuite zirtirna turin an puang chhuak thin tur a ni.

3. SCREENING TEST CHUNGCHANG:
India ram pawn leh State dang atanga rawn lut reng reng Entry Point pangngaia rawn lut te chu screening tih vek tur anni a . Chutih laiin, Entry Point pangngai ni lova rawn lut a, screening paltlang lova, dan lo anga Aizawl District chhunga rawn lut leh khawsa an awm palh theih avangin VLTF/LLTF ten uluk lehzuala lo thlithlai reng tur a ni. Heng mite hian Rag’f Test leh Quarantine an paltlang vek theihna
turin VLTF/LLTF ten hma an la tur a ni.

4. COVID-19 DUTY TE HRIATTUR:
a) Duty ten dan bawhchhia an man a nih chuan The Mizoram (Containment and Prevention of the spread of Covid-19) Act, 2020 hmangin a na thei ang berin hremna an lekkawh tur a ni.

b) Zelthel leh inthlahdah takin an duty tur a nilo a; harsatna bik tak an nei a nih loh chuan an duty-na veng/khuaah kal kualin mipui che tla an endik reng tur a ni.

c) Duty te hian an duty tur hun chhung a ruat (duty hours) an bawhpelh tur a ni lo.

MIPUITE HRIATTUR: Pawnchhuah leh inlenpawh khap tlat a ni a, building khata in hrang luah te pawh intlawhpawh khap a ni. Dan bawhchhia te chu The Mizoram (Containment and Prevention of the spread of Covid-19) Act, 2020 hmangin a na thei ang berin hrem an ni ang. Mitin ten mahni theuh kan himna leh fimkhuma hi kan chhungkua, khawtlang leh ram himna a ni tih hriain, Sawrkarin inkaihhruaina a siamte uluk takin zawm tur a ni.

Dr. LALHRIATZUALI RALTE, IAS
Deputy Commissioner

Leave a Reply