HRINGNUN

Doctor pakhat hian emergency-a zaituraneih avangin hmanhmawh takin hospital-ah chuanarawn tlan hlawk hlawk mai a, inthlak nghal sawk sawkin, inzaina pindan lam chu apan nghal a. Naupang damlo zaitur pa chuan doctor churawn pan nghalin, ahmuh veleh ahau nghal a,“Ngati nge imuan em em a?, heti khawpa serioushian ka fapa zai hmanhmawh ngaiin a awma, ihnaitlinlo hle mai” alo ti nghal bawrh bawrh a.

Doctor chuan nui sang pah hian, “Minhrethiam teh, damdawiinah duty ka neihlohlai ania, ka hriat veleh arang thei ang berin ka rawn tlannghal chu a nia, tikhan lo ngawi hramla, i fapa chu kan zai nghal ange”, ati a. Chupa chuan thinrim tak hian, “Lo ngawia?, i fapa thichhawng rengin awm ta se i ngawi maimai thei dawn a mi?” a ti leh a. Doctor chuan,” Joba khan Bible ah khanengtin nge atih kha?, “Vaivut atanga lo pianginvaivutah bawk kan kirleha, Pathian hming chu fakinawm rawh se”, kal la i fapa chu tha taka ka zaitheihna turin Pathian hnenah dil rawh”, ati a.

Chupa chuan, “Thurawn han pek mai hi chuatuartu nihloh hi chuan a awlsam thin khawp mai”, ati leh hram a. Doctor chuan naupang chu reitak inzaina room – a ava zai hnuah hlim taka rawn chhuakin, “I fapa chu kan zai hlawhtling e”, arawn ti a. Chhanna pawh nghak hmanloin doctor chuan, “Zawhna i neih chuan nurse hi i lo zawt maidawn nia”,  tiin hmanhmawh takin atlan chhuak nghala.

Chupa chuan nurse hnenah chuan, “Ngati nge khatiang em ema kha doctor khan min ngaihsakloh a, ka pafa chanchin pawh zawh chian ka duh tehreng nen”, ati a. Nurse chuan mittui tla chungin, “Nimin ah khan a fapa chu accident avangin a borala, hmanhmawh tura kan koh lai khan afapa vuina hun an hmanlai a nia, a rawn tlan nghal vang vanga i fapa chu arawn chhan hman hram anih kha, tikhan a fapa vuina hun hmang zawm turin hmanhmawh takin alet leh ta anih kha”, a ti ta a.

Mi hi an chungah enge thleng a, engang mi nge an nih tih hrechiang leh ngaihtuah hmasa lova, keimahni chauh kan in ngaihtuaha, mahnia ngaihdan lo siam ve ringawt hi afuh ngailo.

Leave a Reply