Hruaitu huaisen i ni em!!

Kan khawtlang te tak te, ui hum pawh tiat lo, mi veng nen a tehkhin rual lova naupang leh te bawk si hi ni mahila, kan tanrual phawt chuan veng lian,chak leh changkang hi engtik lai pawhin kan ni thei reng a ni…

A pawimawh berah chuan hruaitute huaisenna mawlh hi a ni. Veng tan kan pharchhuak ve ta rau rau anih chuan kan hma a kan tihtur khawtlang dan te mipui kan zawmtir hi kan mawhphurhna a ni. Mipui thawhhona tha tawk kan siam thiam a tul bawk ang. “Pawl hruaitu i nih angin huaisen la, mahse pawl hruaitu i nih avangin mi chungah Lal hrawt suh” i mimal dinhmun erawh fimkhur la…pawl hruaitu i nih avangin pawnlam mite chungah hleihlen suh ang che.

Mi pakhat ve mai chauh i ni a, i duh dan vek in pawl kal pui tum suh la, thil tha leh tha lo, rem leh rem lo pawh thlu lova, pawl chak tak hruaitu mi hnuaia thuneitu i nih avang khan thu ti tlu mai mai suh ang che.. Khawtlang dan zawm lo tute, leh thil tha lo, veng tana thil pawi thleng thei thilah i beng chhi reng la, khawtlang mipui duh loh chu pawl angin hma la la, mimal ang a i chet chhuah hun-ah erawh pawl hruaitu pawl thil angin che chhuak thin ang che. Khawtlang(pawl) hruaitu i ni a, entawn tlak in awm reng ang che..

Zuk leh hmuam ti suh la, ruihtheih thilah i inhnamhnawih tur a ni lo. Ei ruk hlemhletna awm chi reng reng-ah i hming a lang hauh tur ani lo vang. Mipat hmeichhiatna kawngah fimkhur la, mitin inang khat vek in en ang che. Thinchhe tak pawh ni la, i hmalakna chu khawtlang mit a tling tur a ni. Pawl dan siam te i zawm kim a ngai a, a tul anih loh chuan pawl dan siam dinglai hi thlak dang lam sek loh a tha.. khawvel changkang zelin-a a mamawh ang zel a dan tha chu zam erawh kan tih mak mawh anih rualin thil lo la thleng tur(future)nen a inrem theih leh Ram pum huap dan te nen a inzawmthei ang zel in dan siam a finthlak ang.

Engpawh chu nise, Party hruaitu te tan phei chuan fin leh zual a van ngai em… Opposition te tan pawh a sawisel bo a chet lak chu a ngai dawn si a, veng tan a thil tha tih tum mai lova, ke kan pen zung zung hi a tul hle mai. Sorkar department-a veng tana tangkai tur development ngaihtuah a kan chhet chhuah tam a tul phawt mai..
hlawhtlinna chu thudang nise. Hruaitu fing tak kan ni kher lo mai thei veng pa rawntlak tak takte nen a kan mamawh kan sawiho tam te pawh a ngai ang.

Hruaitu hlawhtling kan tih teh hi taimakna chu thuhran nise, a hnuaia a kaihzavengtu te tanpuina vang liau liau a ni duh khawp mai…veng hlawtling tak ni tur chuan kan hruaitute rinawm taka an hnung kan zui hi a ngai a, kan tanrual a ngai tak meuh meuh a ni.

Leave a Reply