INDIA DANPUI TOBUL

– Pu H. Laldingluaia
Treasurer (Y-Section)

Independent kan neih hnu-ah kum khat dawn lai chu Constitution kan neih theihna tura hmalakna mumal tak a la awm lo cheu niin a lang. Hemi a nih avang hian Cabinet Mission an tih mai, Members pathum awmna (Lord Pethick, Sir Stafford Cripps leh A.V Alexander te awmna) pawh in min vei pui ngang a ni ang. 1946, March thla-a an lo zin tum khan Constituent Assembly din a nih thieh nana thurawn (Recomendation) an rawn nei a, chumi zulzui chuan 1946, July thla khan Constituent chu din a lo ni ve ta a ni.He Assembly- ah hian Members – 389 lai an awm a, a hnuaiah Committee peng hrang hrang panga ngawt mai kan rawn tarlan ang hian neih a ni bawk a ni.-

1) Union Powers Committee – Member-9 nos
2) Committee on Fundamental Rights and
Minorities – Member – 54nos, Chairman – Sadar Vallabai Patel
3) Steering Committee – Members-3nos(Gopalswamy Ayyangar leh Bishwannath Das) Chairman – Dr K.M Munshi
4) Provincial Constitution Committee – Members -25nos Chairman – Sardar Patel
5) Committee On Union Constution- Members – 15nos Chairman – Jawaharlal Nehru

He Assembly-ah hian India hnampa, Mahatna Gandhi leh zalenna sualtu zinga hming thang tak mai Subhas Chandra Bose te erawh chu telh anni ve lova, hei hian mi mak tih a hlawh hle, amaherawhchu, anni pahnih tel lo pawh hian hmalakna chu chak takin kalpui ani chho zela, Assembly hmasa ber neih ni tura ruat lawksa December ni 9th.1946, chu a lo herchhuak ta a, NewDelhi khawpui-ah palai (Member) 207 ngawt mai chu an kal khawm a, Members te pawh an phur tlang hle niin a lang.

Kal khawm zinga upa ber Sachidanand Sinha chu Session kaihruaia Chairman hna thawk tura ruat a ni a, a ni kaihhruaina hnuaiah hian Session bul chu tan a ni a. Tichuan, a tuk tuk leh( Dec,11.1946) ah chuan Permanent Chairman tur thlanna chu neih a ni ta a, hetah hian Dr.Rajendra Prasad chu thlan tlin a lo ni ta ni. He a nihna pawimawh tak avang hian a hming hi a dai ngai tawh dawn lova, Zirlaibu te thlakkualin khawvel thangchho milin Syllabus te pawh han thlak kual vel thin mahse “ India Constitution Draffting Committee Chairman chu Dr. Rajendra Prasad a ni .” tih hi chu thlak dang lam ani ve tawh dawn lo a ni.

India a awm chung zawnga tumahin an chelh ve phak tawh lo tur nihna pawimawh leh ropui tak chu he Assembly hian Dr. Rajendra Prasad chu Dec’11.1946. hian an hlan ta a ni. Ani Chairman na hnuaiah hian hma pawh an la chak hle a, an ngaihtuahna leh tha leh zung pawh an dah awl mai mai lo hle tih a hriat reng mai. Dec’9.1946 leh Augst’14.1947 inkarah ngawt pawh Session vawi 5 teh meuh mai an nei hman anih chu tichuan Nov’26.1949 alo her chhuah meuh chuan Constituiton chu pawm ( Adopt) a lo niin January 26.1950-ah phei chuan hman tan (Effect) a lo ni der tawh a ni.

Leave a Reply