INSUALRAWN CHINNA CHHAN HI…

Tun hnai deuha Mizo thalai thenkhat a huhova lengchhuak leh Bike&Scooty-nen a khawpui chhung leh a chhevela zanrei tak tak thlenga thawm nei thin te, chhun leh zan pawh sawilo a, tih tur neilem silo a khawlai dung leh a vel suartluan thin |halai vakvel kan tam tan hle a ni. Heng ho hian thil tha engmah tihtur an nei lo a, ruihhlo chi hrang hrang leh an nawm tihdan ang ang a awm an tum mai thin a ni. Hetiang anga an awmna chhan ber chu Android game & Internet game-(Tualinthahna raptlak, thisen chhuak insawisakna ) thalo tak tak an tuipui vang leh chumiruala Ruihhlo Damdawi in achenchilh tlat bawk si avangin a taka tihchakna chuan a hrinchhuah an ni tlangpui.

Hemi avang hian Mizo kan nihna Zozia zawng zawng hlauh in ‘Zonun zemawi, tlawmngaihna leh aia u zawk te inzahna an thlauhthla vek a ni.’ Hei bakah hian pawisak lohna leh chhun leh zan thliar hrang chuang lova thian zaho te nen an duh duh anga chetmai chu an hmachhawn ta a ni. Pawisawi lo sawisakrawn te chu an nawm tih zawng tak a ni. Mizoram chhungah hetiang lo thleng ta mai hi a lawmawm loh tak zet a ni. Kum tlinglo |halai khuahkhirh ngai leh pawisawi lo hetiang vanga hliam na tak tuar mek leh thihna hial a lo tleng ta hi CYMA chuan pawi a ti a, hmalak vat tul a ti a ni.

“Hemi chungchangah CYMA chuan tha ati lovin khuakhirh vat tul a ti a, Mizoram hmun hrang hrangah leh Aizawl-a Veng hrang hranga Branch YMA te mahni veng/khawtin ah hma lo la tura a tih angin keini veng Branch YMA pawhin atul angin hma ala zel dawn a ni. Hemi kawngah hian YMA Member-te lo fihlim turin kan inchah lawk a. Vengdang thian him lo deuh chu rawn senglut lo turin kan inhriattir nghal bawk a ni. Zan leh chhuna thalai inhawrkhawm / thutkhkawm pawh Nursery Veng Joint Action Commitee (JAC)- in a khap angin Branch YMA -pawhin a thlawp tlat a ni. Tin, JAC-ah hian Nursery Vengchhunga Kohhran zawng zawng leh NGO’s te telkhawmna a nih angin YMA phei chu a neitu hliah hliah kan ni tih i hre thar leh theuh ang u.”

Hetiang anga thil duhawm loh tak thlenlui kan awm palh anih chuan LC/JAC/YMA -in a na thei ang bera hremna lekkawh an ni ang. “ Facebook,What’sApp tih vel a thiamthu sawi zuah zuah emaw lar nana hman tum ni awm taka post/forward (kharchhawn) tihvel ah thutlukna a siam lo ang.” Tin, Khawtlang hruaitu JAC,YMA,LC te hming tihchhiat tumna leh thuphuah chawp siam a tute emaw ruaia boruak ti chhe thei zawnga Facebook,What’sApp velah Veng hming ti chhe thei thu post leh lo forward(kharchhawng kual vel) te chungah hremna a na hle dawn a ni tih kan inhriattir lawk bawk.

Hemi chungchangah hian thalai zan lengchuak rual nei Nu leh Pa-te chuan kan fate lo khuahkhirh lawk turin leh lo inhrilh hre lawk turin kan inchah a ni. YMA member te hemi kawngah hian nun fimkhur hle turin kan inngen mawlh mawlh bawk. Tin, HSLC&HSSLC Exam zo/result passed tih avanga Bike & Scooty chak tak taka tlan leh midang ngaihtuah lek lo a chet chhuah kan ching ta a, tawhsual tawk kan awm ta nawk mai, hun lo taka thihna pawh a thleng zui ta nawk mai. Nu leh Pa-te mawhphurhna liau liua a ni. Tin, chhun emaw zan pawh nise, Bike Silencer thlawna ring tak taka tlan leh benchheng siam thin te pawh kan in warning nghal bawk.

Leave a Reply