JAC Kamchhuak

Kan veng a lo him zawk nana JAC hmalakna te veng mipui ten kan tih hlawhtlin mek zel na chuan rah duhawm tak a chhuah mek niin a lang a. Veng mipuite thawhpuina leh inpekna ah Nursery Veng JAC chuan Lawmthu a sawi mawlh mawlh a ni. Naupang zana pawnchhuah leh puitling/thalaite tihtur nei silo a mi kawtkaia zan rei tak tak thlenga thutkhawm khapna pawh hi thu leh awm hma chu kal pui zel a ni rih dawn a. Kan khawtlang himna tur a ni tih hria a, theih tawp chhuah theuh turin kan in ngen nawn leh a ni.

KAN LO THLIR RENG E:
Thian duhtak, nu leh pa, chhungte lungngaihna leh rumna, phurrit thlentu nih leh kawng dik zawh thei lek lova awm hi i duh dan a ni lova, i ningin chhuah i duh thin tiraw. . He dinhmun hrehawm tak atanga chhuak tur hian i chak tawk a, i thei chiang a nia aw…! Tunah khan i rilru siamin, kawng dik zawh nghal rawh le. Hlau hlek suh, penkhat han pen teh, rah tha i seng nghal dawn a nia. A sak deuh pawhin pen lui zelteh mah, i pen tam poh leh rah tha i seng tam ting a ni mai.

Puih i ngaih hun a pui tur chein kan inpeih reng e. Zam lovin kal zel la, i chhuak ngei ngei ang. I harsatna tawh mek hi kan hriatpui che a kan lainat hle che a ni. JAC hmalakna ngaihpawimawh a, i in thiar fihlim chawn chawn te kha kan hmu a, kan fak hle che a sin. Hetiang reng reng a nun hman hi i duh dan leh i tum reng a ni lo tih hi kan hriat pui che a, puih che kan duh a ni.

Chhanchhuah hna leh khawtlang venhim hna hi theih tawp chhuahin kan thawk zel dawn a. Kan that tlan zawkna tur a nih dawn phawt chuan TIANG HMAN pawh kan hreh dawn hauh l o thung. Nun thar duhawm tak i nei h hun nghakhlel takin KAN LO THLIR RENG E.

NURSERY VENG JAC

Leave a Reply