JOINT MEETING NEIH A NI

Ni 08.02.2019 (Zirtawp) zan khan Nursery Veng VC Hall – ah Nursery veng Branch YMA bultum in Nursery Veng chhunga NGO hrang hrang hruaitu te leh kohhran hrang hrang hruaitu te Chhiatni in kaihhruai dan chungchangah Joint Meeting neih a ni a, rorel hi Pu C. Lalchhanhima President, NYMA chuan a kaihruai a, a hnuai a mite hi chhiatni chungchanga joint meeting thurel tlangpui te chu a ni.

  1. LUMEN CHUNGCHANG : Zing dar 9:00 hnu lama thi chu lumen tur a ni a, Zanlai dar 12:00 hnu lama thi chu tlaivarpui anga ngaih loh tur a ni. Hmun hla atanga ruang lo thleng tur a awmin, ruang lo thlen hma chu a nawlpui anga mitthi chhungte tlaivar a menpui loh nise. |ul bik thil a awm chuan mitthi chhungte leh Local Council, Kohhran leh YMA hruaitute thutlukna anga kal a ni ang.
  2. VANTLANG HRIATTIR : Vengchhunga mitthi an awm in, Kohhran inkhawm lai anih loh chuan YMA Information Centre atangin puan nghal zel a ni ang a, Zanrei a thi chu zinglamah puan nawn leh thin a ni ang.
  3. RUANGCHHUAK : Vengchhunga cheng ruang chhuak tur a awmin YMA Information Centre atanga puangin kuang siam a ni ang a, Thingpui lum a, Mitthi buhfai erawh khawn loh nise. Hmun dang atanga ruang lak, chhuak leh mai tur (ruang khual) chu puan loh nise. Thingpui lum loh mai nise.
  4. MITTHI BUHFAI KHAWN : Mitthi chhungte tanpui nan chhungkaw tinah Buhfai No.1 leh Rs.10/- zel khawn nise, Buhfai leh pawisa hi a khawntu ten Section hruaitute kut ah hlan nise, Section hruaitute kaltlangin remchangah mitthi chhungte hlan nise. Rs 10/- kan khawn hi lumen zan, ruangthlak ni leh YMA zan a bawlhlo man ba rulh nan hman a, a bang a awm chuan mitthi chhungte hlan tur a ni.
  5. RUANG HMUAH : Ruang hmuah ngai a awm chuan heng hmunah te hian hmuah thin nise.
    a. Hmarlam-ah – Durtlang/Zemabawk
    b. Chhimlam-ah – Melthum
    c. Khawthlang lamah – Company peng.
    d. Reiek lamah – Lawipu/Dihmun zawl.
  6. KHAWHAR LENPUI : Tanna leh banna hun siamin zan 3(thum) chhung khawhar lenpui nise, mitthi vuitu Kohhran in hun a hman thin chu YMA in kenkawh ni tawh se. A theih chen chenah khawhar lenpui hun atan hian hetiang hian hun hman nise.
    a. March – October-ah Dar 7:00 pm
    b. November – February-ah Dar 6:30 pm
    Tin, a zan hnihna hi nu leh pa zan ah hman nise.
  7. THINGPUI SEM : Mitthi vui hma darkar khat ala awm in inchhungah thingpui sem nise, pawn lamah chuan Tea-urn a chhawp mai nise. YMA zan 3(thum) chhung hian khawhar In ah Thingpui sem nise.
  8. KUANGA IN DAH : Kuang siam zawh veleh mitthi ruang kuang chhunga khung/dah nghal nise. Tin, tul bik thilah chuan ruang tuam (thelretpuan a tuam) ngai an awm chuan thelretpuan a tuam thin nise.
  9. MITTHI VUI HUN : Hetiang hian mitthi vui hun hman thin nise.
    a. Tlaivarpui – chhun dar 12:00 ah
    b. Tlaivarpui loh – chawhnu dar 1:00 ah. Mitthi vui hun chhung hi rei lo zawka hman thin anih theih nan, hunserh chhung hian mitthi vuitu leh chhungkaw aiawh 1(pakhat) bak chuan thu sawi loh nise, thusawi duh dang an awm anih chuan vui tan hma in sawi thin nise.
  10. KUANGCHEI : Kuang hi YMA in uluk taka chei thin anih avangin a theih hram chuan mitthi chhungten kuang hi chei loh nise.
  11. KUANG THLALAK PUI : Thlalak hi hmeh 20-(sawmhnih) aia tam lo ni thei se, thlanmual In a invui hnuah thlalak pui tawh loh nise.
  12. MOTOR A KUANG PHURH : Mitthi vui nan a remchan dan anga Pick-up/Morque Van hman nise.

Leave a Reply