JULY NI 31,2010 THISEN PEK RUNPUI

YMA Platinum Jubillee lawmna kal mek ah NUrsery veng BRanch YMA chuan thisen pek runpui ni 31.7.10 (inrinni) 10:00am hian Model English Medium School-ah a nei dawn.

A hria leh zir mi ten an sawi danin mi hrisel pangngai tan chuan thisen pek zeuh zeuh hi a pawilo mai ni lovin a tha zawk hial ni awm in an sawi. Hemi ti chiang tu pakhatah chuan Nurse leh Doctor engemaw zat hian an damlo thisen mamawh te tan a khat tawkin an pe fova, an ni berin an pek ngam chuan a pawilo ang tih hi a rin ngam a ni.

Chuvangin Nursery veng Branch YMA member, nula leh tlangval etc. hrisel tha pangngai-pethei tur a fit tawh phawt chu midang tana luang chhuak turin Branch YMA chuan a sawm tak meuh a ni. Tunah hian Branch pakhat thisen pe tam record ding lai chu Unit 171 a ni a. Hei hi khum thei ngei turin memberte in pe turin kan insawm a ni e.

Thisen pek ni hian Durtlang Presbeterian Hospital atangin thawk tuten min rawn laksak dawn a ni. Model English Medium School ah hian thisen pek nghak tute in tih hlimna tur GAMES chi hrang hrang Carrom, Chess, Draught Board, Playing Card, Chinese Checker leh Dartthrow etc. tih tur a awm dawn a, memberte hma taka thisen pekna hmunah hian kal khawm turin uluk takin kan in sawm a ni e.

Zaipawlah Mizoram Khawvel ah pahnihna niin mi hriat kan ni tawh a. Thisen pekah kan lan leh theih chuan Branch awhawm kan ni dawn a ni tih i hre reng ang u.

Leave a Reply