KAN BRANCH ATANGA CYMA OFFICE BEARER HMASABER – PU RONEIHTHANGA

October 15 – 17, 2019 chhunga N. Vanlaiphai a YMA General Conference neih takah khan Kum 2019 – 2021 chhung atana CYMA hruaitu turte thlan an ni a, an zingah hian kan Branch hruaitu hlun, Pu Roneihthanga chu Finance Secretary atan thlan a ni. Kan Branch hruaitute zinga mi, Mizorama pawl lian ber hruaitu a ni hi a ropui hle a ni.
Kan Branch atanga CYMA Office Bearer ni hmasa ber, Pu Roneihthanga chanchin tlangpui kan han tarlang e.

1. Pian leh murna: Pu Roneihthanga hi Kum 1965, January ni 1 ah Baktawng khua ah a piang a, a pa chu Pu V.L. Hruaia niin a nu chu Pi Lianchhungi a ni a, a nu leh pate hi tunah Baktawng-ah an khawsa mek a ni.

2. Khawtlanga/YMA a nihna chelh tawhte:
Pu Roneihthanga hi mi tlawmngai, khawtlang tana inpe tak a ni a, khawtlanga nihna a lo chelh tawhte chu:
(1) 1999 – Leader, Saizahawla Section, NYMA
(2) 2000 – 2001 – Vice President, NYMA
(3) 2002 – 2009 – President, NYMA
(4) 2010 – 2012 – Vice President, NYMA
(5) 2013 – 2015 – President, NYMA
(6) 2016 – Finance Secretary, NYMA
(7) 2017 – Vice President, NYMA

Heng bakah hian VDP Finance Secretary leh President hna a chelh chho char char a. Tin, JAC a lo din hnu in Chairman ah thlan a lo ni tawh thin bawk. Vengthlang PS Managing Board ah Secretary chanvo chelh bawk in, Vengthlang PS din dawn hian a kul atai ah a tang chho bawk a ni.

3. CYMA a nihna chelh tawh te:
(1) Press Sub-Committee – Secretary, term 2;
(2) Property Sub- Committee – Chairman, term 2;
(3) Literature Sub-Committee – Chairman, Term 1;
(4) CEC (Direct-a OB in a ruat) – 2013- 2019
(5) SRS – Asst. Convener, Term 3
(6)SRS – Convener, Term 1

CYMA hmingin hmun tamtakah a chhuak thin a, Ruihhlo avanga kan Ram dinhmun zirchiang turin Myanmar, Bangladesh leh Manipur-ah vawi duailo a kal a, Tripura-ah pawh CYMA aiawhin a kal bawk a ni. Tin, Saikhumphai buaina ah te, ramchhunga buaina hrang hrangah CYMA aiawhin palai hna a lo thawk tawh thin bawk.

4. Kohhran: Salvation Army ah CCG ordained in a awm a. Chumi hnuah Secretary in a awm leh a, tunah hian CWS ordained in a awm mek a ni.

5. Hnathawh: Pu Roneihthanga hi tunah hian Printing & Stationery Department-ah a thawk mek ani.

Pu Roneihthanga hi tunah hian Nursery Veng, M – Section ah a nupui fanaute nen an khawsa mek a ni.

Leave a Reply