KAN MIZO PASALTHA TE THUSAWI

Kan Mizo Pasaltha te thusawi thenkhat hi lo chhiar ve teh u, Zirtur a tam khawp mai:

Thangzachhinga (Vanapa) (1794-1871): Hmeichhia leh uipui chu lo rum lungawi mai mai rawh se.

Zampuimanga (Thangmanga) (1850-1910): Sapui hu thang zam vel hian hringmi a tlawm tur a ni lo.

Neuva(1853-1888): Dikna humhalhna kawng lah chuan pian ni, ni khat thih ni, ni khat a ni ngai e. Chhelna chu na chuan tuar zawk rawh se.

Hranghleia(1854-1942): Mipa fa chu tuallaiah an inhrosa ngai lo. Mipa te in elna tur chu tlawmngaih leh huaisenah a ni tur a ni.

Chawngbawla(1855-1934): Khaw chhunga intih huaisen hi mi dawizep ber hna a ni. Mi tupawh an hnuaichhiah ngai lo ve.

Saizahawla(1858-1913): Tumah an cho hmasa ngai lo ve. Ka ngaihdam theih loh mihring ka la tawng ngai lo. Mipa fa chuan a duh leh tum tawh chu a ti puitling thei ngei tur alawm.

Khuangchera(1865-1890): Hlauh loh vangin bawh zel suh, bawh hun a awm a, tawlh hun pawh a awm. Mi chungtlak zawngin an tawng ngai lo ve. Mite tithlamuang zawngin tawng zawk tur.

Taitesena(Ralthatchhunga)(1880-1902): Mi an cho hmasa ngai lo, chhanleta kan awm in a sa-sehah ngam an har fo thin. Sakei mi sehna ai hian ka sen tet laia min uiresan khan a na ka ti zawk, ka Nu.

Enzakhupa(1880-1920): Hnehna leh chakna hi taksaah ni lovin rilruah a innghat hmasa zawk tur a ni. Ram leh hnam tan chuan vuakna chu engmah lo ang lek a ni.

Vanpianga(1895-1986): Hnunglam a mite nuihzat nih hi sakawlh aiin a hlauhawm zawk. Finna leh huaisenna inkawp chuan ngaihphak bakin thil a tithei thin.

Zahrenga (1928-200_?): Mifing chuan a kalna apiangah zirtur tha a hmu thin. Kan mi kawmte azir ang zela nun rem thiam hi puitlinna kawng a ni ngai e.

Leave a Reply