KAN TANGRUAL E…. (Lawmthu Sawina)

Kum thar duhawm tak kan lo chuang kai leh ta hi mitin te hnenah lawmthu awm rawh se. Hetianga Krismas leh Kumthar vengchhunga harsatna leh buaina lian tham nei lova kan han hmang zo thei hi a lawmawm tak zet a ni.

Kum 2011 lo thleng tur urlawk in JAC te chuan Ruihhlo lakah kan thalaite an him theih na turte, Chhungkua hlim leh lawmtaka buaina hmachhawn lova Krismas leh Kumthar an hman theih nante ti in Duty Felfai tak a siam in an hmanhlel hle bawk a, chutihrual chuan kan Branch YMA ten miharsate he hun pualin Krismas Present an lo pe ve mek bawk a, a nuamin a thlamuan thlak teh e!

Tin, vengpa/pavalai thenkhat te chuan Kumtir atang khan bawm siam in pawisa an thlak khawm te Carol pah in miharsate tanpui nan an sem bawk a, miharsaten malsawmna an dawng e ti ila kan sawi sual lovang. Mitin kan hlim
a, uchuak leh kawhmawh bawl sawi tur an awm meuh lo niin a lang. Hei hi kan YMA te leh JAC, L/C te leh mithahnemngai tlawmngaihna vang liau liau a ni. Tin, Kan sawi hmaih theih hauh loh MHIP ten a duty tantirh atanga zantin mai Thingpui tuitak duty te an hlui thei te hi a lawmawmin kan tanrual zia tilangtu a ni tak meuh meuh a ni.

Sawitur a tam mai, Krismas leh Kumthar inkar a kan thalai te inkawm hlimna hun tha tak Nursery Veng Sporting Club ten ‘One day Sport’ an buatsaih hi an fakawm tak zet a ni. An ni hian vengchhunga thalaite Sport lama an tuina kawngte zawn sakin, Competition-a an chhuahna reng rengah an tawiawm in kan veng thalaite Sport lam-ah an promote nasa hle a ni.

I’n sawi zel teh ang, tu huat kan hlawh lo ang chu maw? Kan Local Council ten UD&PA Department atanga an pawisa hmuh vengchhung cheimawina atan Rs. 15,000/- zet NYMA kutah hlan in Br.YMA chuan Nursery Kawn mawitaka an han chei te hi hmasawnna chikhat a ni a, hmuh a nuam hle a ni. Veng dang atanga kan Christmas Tree thlalak pui tura mi engemaw zat chhun leh zan a an rawn kal hmel hmuh te a nuam thin hle a ni.Veng kan tanrual chuan Kawn kan cheimawi ang hian kawng dangah pawh Nursery veng a mawi mai dawn a lo ni!

vengthlang lam han ti ila YMA anga Section inthen dan ang in i ti zawk ang, ‘M’ Section Tangrual Pawl (Duty RV-II) te an thawk rim hle mai. Vengdang atanga Ruihhlo an rawnphur lut tur an dan chah bakah veng dang atanga nawmsipbawlnan a kan thlanmual rawn hman tumte an dangchep hneh hle mai, zan tin mai duty tur detailment list Kan tlangval Tv.Puia an autir reng thei bawk nen RV-II te zarah buaina leh harsatna kan pumpelh in Krismas leh Kumthar hlim tak in nu nau te chen in kan hmang thei a ni.

Tun kum, kum thar 2011-ah hian Veng mipuite leh pawl hrang hrang YMA, NSC, JAC, L/C, MHIP leh MUP te tangrualin veng hmasawnna in ngaihtuah tak tak teh ang u.

Leave a Reply