KAWNGPUI SIAL

– Zokunga
Secretary, NYMA

Nursery Veng Branch YMA chuan Kum 2011 chhunga Branch YMA Kumpuan atan “Kawngpui Sial” a puang rup mai a. Hnatlang vawi 20 chuang zet neih a ni nachungin Member thawkchhuak kan tamtawk thin loh avangin beisei angin hma kan la thui tawk lo hle a ni. Ni13.1.2012 (Zirtawp) zana Branch YMA Executive Committee meeting-in kan veng dinhmun thlirin, kum 2011-a Branch YMA Kumpuan “Kawngpui Sial” chu kum 2012 -a Branch YMA hmachhawp pawimawhtak atan la neih zui nise a ti a, kum kalta aia hlawk zawk a hmalak nise ati bawk a ni. He thutlukna hi YMA hruaitute maiin an tihhlawhtlin theiha ni dawn lova, Nursery Veng mite mawhphurhna a ni.

In kalpawhna Kawngpuipawimawhna hi kan sawi senglovang. Damloh nikhua aChair/Stretcher hmanga harsa takadamlo kan in zawn thin te, kan aiasum leh pai ngah zawk ten an leina ai a to daih zawk a In sakna bungrua leh thil dang kan lei thinte, kangmei ilo tawh palh nikhua atana kan him loh bik dan te, nupuipasal inneih nikhua a kan dinhmunhniam bik riau a a lanna chhan leh thildang tamtak thlirin kawngpuitha kan neih ve loh avanga miten Nursery Veng min thlir dan leh keimahni ngei kan in hmuh dan pawh hi veng hmangaihtu tanchuan thanat thlak tak a ni.

Kawngpui kan neih thatloh avanga harsatna kan tawh thin thil dang tam tak sawi tur a tam khawp ang. Kawngpui tha neih apawimawh zia hria a Branch YMA-in thutlukna a siam leh a hmalakna hi a hlawhtlin ngei ngei theih nana tanrual a tul zia leh kan zavaia mawhphurhna a nih dan tlemin lo tarlang ila a tha awm e.

Veng mipuiin kan tawiawm that loh avangin Branch leh Section-a kan YMA hruaitute hian beidawng mai ang tih ahlauhawm hle mai. Kumin ah he hmalakna pawimawh tak hi kan tlawmsan a nih vaih chuan hruaitu la ni leh turte tan hmachhawp ahman leh chu a huphurhawm viau mai thei.

Tumah hi mi tlawngawl leh YMA hmalakna a tel zat zat hman kan awm reng reng lo tih kan hriata pawimawh. Hmanlo chungchungin mahni hna tul kalsanin, midang te hi an hnatlang thin a ni bakah chuan kan Sawrkar hotute hian che em em ang tih kan rinngama pawimawh. Kan YMAPresident-in thahnemngai taka “Kan vengin khaweng a hmuh ve theihnan thi leh thau pawlhin kawng kan lai ang a, a suihzawmna chu kan hotuten min ngaihtuah pui em em ang” a tih fo thin hi kan hriatreng a tha khawpmai.

Nursery Veng damkhawchhuahna tur thil pawimawh tawpkhawk kan chai dawn a ni tih hria in, vengchhung nu leh pa te pawhin YMA kuta dah mai lova kan tanrual a hun tak zet a ni.Hnatlan nikhuaah tlai/hma lam thlu lovin kan hman hun a piangaha teber atanga a lianber thlengin hnatlanna hmun i pankhawm ringawt mai ila, kan hruaitute tha tichak tur leh an hmalakna kan thlawp zia tihlan nan a theih ang ang a thawhchhuah hi kan tih turah ngai ngam ila, nakin a kan lawmna hla tur a la ni em em ang tih i ringngam ang u.

Kumpuan hnatlanga In leh lo kan chhuahsan hnem deuh avanga kan nupui/chhungte tum hmel kan hmuh hun te, Politics thila he hmalakna kaihluh tum an awm tlat hun te, kan hruaitute hmalakna sawisel a mimal inhuatna atana kailut lui tlat tepawh kan la awm ngei ang. Heng zawng zawng hi Nursery Veng in khaweng a hmuh ve theihna tur anih phawt chuan kan hruaitute hian tawrh an huam a ni tih i hrereng ang u.

Leave a Reply