KHAWHAR IN ZAI LEH KHUANG PU

Khawhar In zai chungchangte leh tul leh tha nia ka hriat tlem sawi ve thain ka hria. A bik takin thalai hunah hian engatinge tui taka kan zai theih loh fo ka ti thin… Zanin chu kan zai tui hle mai, zai a nuam hle mai, han tih tur hi avang riauin ka hre thin. Thalai aw tha leh aw chak zawk si hian engatinge nu leh paho zai kan tluk loh tlat
le..? Chhan tam tak a awmin ka hria. Chung zinga pawimawh zual nia ka hriat tlem kan sawi ve teh ang. Chutih karah chuan chhan hrang hrang avang in khawhar In reng reng hi tui taka zai theihna leh zai harsat riauna a awm thin tih hi hre hmasa ila. Thalai hun kan tih hian Nu leh Pate hian thalaite min kian hma mah mah deuh nite pawhin alang. A bik takin tlaivar zan hunahte hi chuan min han zaipui rei deuh thin sela chu a duhawm hle mai. Chutih karah chuan nu leh pate chu thalai tlaivarte hma taka thlak thin turin kan beiseia duh aiin kan che muang mah mah em aw..? kati deuh. Khawhar in kal chungchangah tun aia hma kan sawn deuh chu a pawimawh hle. Ruang thlak tlaiah pawh hian veng/in hnai nu leh pate hi chuan khawhar chhungte kan awm tlaipui deuh chu a ngai hle bawk. Vawkchaw pek, Ei rawngbawl chhuanlama kan haw leh duak thin hi chu kan insiam that deuh a tha khawp mai. Kan zai tui lohna chhan thenkhat te chu..

1. Kan zai taima lo ani em..? Hei hi chu a chhan bulpui pakhat chu ani ngei mai, khawhar inah kan kal anih rau rau chuan kan zai taima tur ani, zai bak tih tur kan nei lem lo lusunte hnem tura theihtawpa kan zai hi kan kal chhan leh kan tih tur chu ani ber mai. Kan hla hriat ngai loh an sa anih pawhin thiam tuma khawhar hla zir nana kan hman thiam a pawimawh, kan thiam chhun erawh phur tak leh uar taka kan sak a tul hle thung.

2. Khuangpu te an tha tawk lo em ni….? Tha tawk e, kan khuangpu te hi mahni kohhranah pawh khuangpu thang hlir an ni ang. Hengho hian khuang hi han chuh chat zel sela mi dang hnawn buai lo hian, a Tlawngdung tlawngdung vuak rem thiam nazawngin khuang kan han pu ve thin hian tlem chuan zai ati harsa ani tih alang reng mai. Tin, kan khuangpu thangho pawh hian tleirawl zawkte khuang vuak thiam tura kan chherchhuah hi kan bat a ni ve tih hria ila, a theih ang chen chenah kaihhruai thiam ila a duhawm hle bawk. Khuangpu thiamte an lang reng thei silova thalaite hian inzir nan kan hmang fo tur a ni. Tin, khuangpu ni tur hian khawhar hla hre tam leh hla lak thiam tak nihte pawh a ngai, thalai te aw mila hla lak thiam a pawimawh khawp mai, kan khawhar hla reng reng hi sang lutuka sak hian tui a har viau, chuvang chuan khuangpuin kan aw mil tawka hla lak thiam a pawimawh em em ani. Khuangpu ni tur hian Thlarau mi nihte pawh hi a ngai em aw..? Kan khawhar lenpui chhung reiloteah hian Pawn lama awm aiin in chhung lama awm tam tum hram hram ila a duhawm hle bawk.. In chhung thawl huau si pawn lama kan thu hmur mai hi a mawi lova chin chhunzawm loh a tha khawp mai.

3. Kut ben kan uar lo lutuk em..? Khuangpute pui tura kut kan ben thap thap hi ava tul em…chu chuan phurna a siam a, hlimna a keng tel bawk, khuangpu hnung lam atanga kut benga lo puih hi khuangpu tan a nuam bika zai ati nuam em em thin a ni. Mahse khuang rem taka ben thiam erawh a pawimawh hle thung. Khuangpu te han nawr tan deuh chang te pawh a awm thin chutih karah chuan kan nula hla hril thiamteā€™n thiam tak maiin hla han hril sela, kan zai reng reng hi Pawnpui-sawr-ang tluk tluk ani tawh ngei ang. Ram pum huap pawha zaithiam veng kan ni tawh a, veng dang atanga lokalte pawhin Nursery veng zaithiam zia hi hre ve sela, Zaipawla kan zai chauh nilo kan khawhar in zai ngei mai hi an hrilh fak lo ni ve mawlh teh se…

Leave a Reply