Khawtlang Nun Siamthat

— R.C Laldawngliana
M-Section

Kan inkhaikhawmna CYMA berin khawtlang nun siamthat tih KUMPUAN a puan hi mi hrang hrang in a awmzia leh tih dan tur te vawi tam tak an sawiin an ziak tawh a. Khawtlang nun siamthat tih hian pawimawhna hrang hrang a awm a, chung zingah chuan thil tha tih duhna hi a pawimawh ber te zinga mi a ni ngei awm e.

Eng anga thu Rangkachak hlir pawh sawi sang sawm mah ila a ni tak maw, khawnge kan ti tan nghal teh ang tih kan tum si lo chuan ui bauh ang lek kan ni ang. Mimal tin hian keimahniah khawtlang nun siam that hna hi thawh kan tum tur a ni. YMA hruaitute emaw, mi tute emaw tih turah kan ngaih tlat a nih chuan, kan Kumpuan ah hian kan tle vek a, eng emaw tal chu kan tih ve tur a awm a ni tih ah hian kan chian a ngai.

A mi mirin kan tih ve thiam loh leh kan tih ve phak loh thu tha pui pui hlir sawi hi a sawt vek kher lovang, a tapchhakzawl thleng phak zawnga kan inzirtir thin a tul. Nang leh kei hian khawtlang nun siam tha tur hian engnge kan tih ve theih le? A harsa lo e, i awm hmunah khan han hawihhawm phawt mai teh. Thangtharte hian hawihhawmna leh phungthlukna te hi kan va boral nasa ta em, aia upa zahna te hi kan ve nei lo ta em, hetiang thil te hi mahni inchhungkhurah theuh kan inzirtir thei a, kan fate pawh nunpui turin kan kaihruai thei a ni. Chu chu kan Kumpuan
hlawhtlin zelna tur thil pawimawh tak a ni.

Hawihhawmna te, awmdan mawite hi uar thar leh ila, ram dan thar tha tak tak te hi a tak ngeiin zawm ila, mi hmuh loh lai pawhin eng hunah pawh kan theih chin chin ah i thawk tlang zel ang u.

Leave a Reply