KHUA HI A VÂR LO

– Hriata Fanai (L)

Nuamsa a lehkha zir kan tum a, Homework/Assignment reng reng mahni a beih fan fan tum lovin, awlsam tê in kan Google zung zung tawh a, nu leh pa thlazâr hnuai ah nalh leh changkang thei ang bera khawsa in kan hawi pir ve khanglang a, thlan laih leh mitthi lumen na ah lah online kan bansan chuang lova, mi lusûn khawhar hnêmtur ber te kan nui ang vur vur bawk.

Matric/pawl 12 kan passed a, phai lamah neihlung khawngin chhungten min dah ve a, changkang takin Mizo Mizo na kan zuk hnualsuat a, Mizo Welfare thil tihna a lan tam aiin club vel ah kan hawi pir ve a. Kan ngaihnêp Chakma leh Tuikuk te inkhung peih leh tei rei peih ang kan pha ve lo a. Hnam hmangaihna ah kan chiang ve lo.

Hnam dang zîngah a ber ngaihin kan inngai a, a takah an nê pawh kan ek pha leh chuang lo a. Huau huau hlimna ah kan tuan ta zawk a. Chu chuan min la ei chhe vat ang? Mi hausa ai mahin a rethei a te bawk hi lehkha thiamlo leh tum ruhna nei lo ah kan tang ta emaw tih mai tur a ni tawh bawk.

Mizo hla thu tha tak tak te hnualsuat in, hla thlûk changkâng tak tak hmang a tawngkam tluang pangngai kan sak a, sexy tak tak a Music Video (Sum nei apiangin video thar an ngah tawh emaw tih mai tur) a kan intheh thil vel hi hnamdang in min hmusit ru ngawt ang. Mahni tawng kan type tha peih lo a, kan type sual lui a, changkanna emaw kan ti amaw’n le!? Mizo ir-âwm chhuak hla thar tha kan vân ta a, Hla thu kan pawngsual a, tun atanga thangkhat lian a ral leh chuan kan tu leh fa ten Mizo Subject ah hian Hla thu tha tak tak zir tur an vân tawh khawp ang. Ram siamtha tura kan thlan lal ten politics an khelh dan tamtak lah hi thangthar te tana entawn tlak miah lo a awm thin bawk si.

Khua hi a var lo a ni e..

Leave a Reply