KRISMAS DENCHHENA MIHARSATE TANPUI

Ni 11.11.2011 (Zirtawp) zana Nursery Veng Branch YMA Executive Committee meeting-in a lo rel tawh angin kumin Krismas lawmna denchhenin vengchhung mi harsa zawkte hnenah Branch YMA chuan tanpuina pek leh a tum a. Tanpui tur mite nguntaka thlangin Ni 18.12.2011 velah tanpuina hi pek hman tum a ni.

Mi harsa zawkte tanpui chungchanga mi inphal tak tak Nursery Vengah kan awm thluah avang te, zahzum avang leh tanpui tur ber hriat loh avanga rilru nuam lo tak chunga ngawi bo ta mai te pawh kan awm thluah thin a ni. Chutiang miten kumin Krismas lawmna denchhena midang tana luan chhuahna kan duh anih chuan tlem lua leh tam lua thlu lovin, englai pawhin Branch YMA hruaitute hnenah in report emaw tanpuina pek emaw theih reng a ni.

Mi harsa tanpuina pual hian Branch YMA sum Rs. 12,000/- ruahman anih bakah Y & M Section atangin Rs. 1,000/- ve ve dawn a ni tawh a. Tanpuina pek tur chhungkaw thlan leh a pek tur zat (cash/kind) chu vengchhung mite atanga thilpek dawn dan a zirin la sawiho leh tura ruahman a ni.

Pathian hian chhan awm lovin malsawmna min pe ngawt ngai lova, malsawmna tam tak kan dawnte hi midang tanpuina atana hmang turin min lo ti reng mai thei asin.

Leave a Reply