KRISMAS LEH KUMTHAR THUCHAH

Kristiante hunpui—Krismas leh Kumthar lo thleng tur hi hlim leh lâwm taka hman a nih theih nân Nursery Veng Branch YMA chuan mi zawng zawngte hnenah duhsakna chibai kan buk a che u. He hun pawimawh tak hi thlamuang leh hlim taka mi tinin kan hman theih nân a hnuaia a mi ang hi zâwm hrâm hrâm turin kan inngen tak meuh meuh a ni.

1. Veng chhungah mi harsa, damlo leh mu lum zo lo an awm em leh awm loh dapchhuakin chutiang mi an awm chuan a theih leh remchân anga inchhawmdâwla intanpui tum ila.

2. He hunpui hi thlahlel taka mi tinin kan nghah theuh a nih avangin mi dangte tâna tawrhna thlen thei, naupang Silai lem (inhliam theihna chi), mi tithlabar theitu Halpuah chi hrang hrangte zuar lo theuh ila, tumahin kan fate leisak lo bawk ila.

3. He hunpui hi thalai leh rawltharten nunkawng sual an chhar thar hun lai leh kawng tha lo pawh an zawh tan hun a nih thin avangin puitling tel lovin zânah naupang khawlaiah vah chhuah tir loh ni se.Fate thlen chin nu leh paten hriat tum zêl ila.

4. Boruak muanawm tak hnuaiah he hunpui hi kan hman theuh theih nâna JAC-in duty leh hmalâknaah keimahni chhuaka kan tawiâwm thei lo a nih pawhin an tha tichak turin RUIHHLO khuahkhirh leh buaina chhuak mai thei tur vên kawngah theihtâwpa tawiâwm turin kan inngen a ni.

5. YMA duh dân leh beiseinate hi a hlawhtlin theih nân Sorkar, Kohhran pâwl hrang hrang leh mipuite tawiâwmna kan ngen nghâl bawk a ni.

Leave a Reply