KUM 2020 CHHUNG ATAN A NURSERY VENG BRANCH YMA HRUAITU THLANNA NEIH A NI

Ni 06.12.209 (Zirtawp) zan dar 8:30 kha VC Hall-ah kum 2020 chhunga Nursery Veng Branch YMA hruaitu tur thlanna neih a ni a, vengchhungah chhiat tawk kan awm avangin khawhar in hun hman zawh ah programme tan a ni.

Hun hmasa hi Pu R. Vanlalhmachhuana, Vice President NYMA chuan kaihruaiin, hunserh Upa Zolura’n a hman hnuin zai hona neih a ni a, chumi hnu ah inhmelhriattirna neih chhunzawm a ni. Secretary Report ngaihthlak a nih hnu in kum 2019 chhunga YMA Member chatuanram pan ta te sunna hun hman chhunzawm nghal a ni, chung kan sun te chu;

1. Nl. Malsawmtluangi (K-19, A- Section) Thihni Ni – 23.02.2019
2. Pu Lalrinawma (K-51, Y- Section) Thihni Ni 30.04.2019
3. Pu Lalhmingliana (K-53, A-Section) Thihni Ni 01.05.2019
4. Pu David Vanlalruata (K-28, M-Section) Thihni Ni 04.05.2019
5. Pu C. Lalkailiana (K-40, A-Section) Thihni Ni 17.07.2019
6. Pu Chawnghmingliana (K-35, A-Section) Thihni Ni 10.09.2019

Hemi hnu hian Branch President, Pu C. Lalchhanhima chu thusawi tur a sawm a nih angin fuihna thu tha tak a sawi a.

Hemi hnu hian kan Branch atanga hmasa ber ni tur a CYMA hruaitu thlan thar Pu Roneihthanga, Finance Secretary, CYMA chu chawimawina thu ziak hlanna neih a ni.

Kum 2019 chhung atan a Nursery Veng Branch YMA Section hrang hrang inelna kan neih ah result puanna leh lawmman semna neih chhunzawm nghal a ni.
Pakhatna – Y – Section (Rs. 3000/-)
Pahnihna – M – Section (Rs. 2000/-)
Pathumna – A – Section (Rs. 1000/-)

Hemi zawh hian Inthlanna kan neih tur a tana min buaipuitu tur te inhmelhriattirna neih nghal a ni;
Returning Officer – Pu Zokunga
Polling Officers:
1. Pu R.Lalhmangaiha
2. Pu V. Lalhmingliana
3. Pu C. Lalbiakmawia

An kut ah hun dah nghal niin R.O in thil tul pawimawh te sawina a nei a, kum 2020 chhung a tana Nursery Veng Branch YMA hruaitu thar thlan chhuahte chu a hnuai a mi ang hi a ni.

President : Pu C. Lalchhanhima (M-Section)
Vice President : Pu R. Vanlalhmachhuana (Y-Section)
Secretary : Pu Lalnunkima (Y-Section)
Assistant Secretary : Tv. Vanlalvena (Y-Section)
Treasurer : Pu C. Zohmingthanga (M-Section)
Finance Secretary : Pu C. Lalrammuana (A-Section)

In thlan chhung hian Pu Roneihthanga, Finance Secretary CYMA, hnen atangin thusawi ngaihthlak a ni a, zai mawi tak tak Pu F. Vanlalhriatrenga, Y-Section, Nl. Lalrinltuangi, M-Section leh Nl. R. Lalnuntluangi, A-Section te hnen atangin ngaihthlak a ni bawk. Zai hona hlimawm tak neih a ni bawk.

Tluang taka inthlanna neih a nih hnu in President thlan thar Pu C. Lalchhanhima hnen atangin sawmna leh fuihna thu ngaihthlak a ni a, Pu R. Lalhmangaiha chuan hruaitu thar te tan a tawngtaina nei in hun min khar sak a ni.

Leave a Reply