KUMPUAN HUANG – ZIRNA UAR

Covid-19 vangin khawvel ram hrang hrangah zirna inte an inhawng mumal lo a, online hmangin lehkha hi zir a ngai. Mizoramah pawh online hmangin zirtirtute’n an zirtir thin.

Siaha District-a Mawhrei khuaah chuan an khuaah internet signal a tha lo a, zirlaite’n online hmangin an zir thei lo. Chuti chung chuan zir an tum a, ramhnuaiah an zir thin. Mawhrei khua atang hian Siaha, Aizawl leh hmun dangahte thalaite’n college an kal a, hrilen hnuah chuan college-a class kal a theih loh. Khaw dang zirlaite ang bawkin Mawhrei zirlaite pawh chuan internet hmangin an zirtirtute zirtirna an chhim a ngai a, mahse an khuaah signal a tha si lo.

Khua atanga km 4 vel, ramhnuaiah an kal a, signal thatna hmunah buk sain online teaching-ah an tel thin. An kalna hi motor thlen theih lohna a nih avangin kein an kal thin.

Chutiang chuan zirtirtute thusawi an ngaithla a, an exam bawk. Internet thatna hmuna mite nen an dinhmun a inang lo khawp mai a, internet thatna hmunah zir tha peih lo awm ta se, Mawhrei khaw zirlaite chuan mak an ti ngawt ang!

– Source; Zonunmawi Chanchinbu

Leave a Reply