KUMPUAN HUANG

Nikum October thla chawhnu lama Kolasib-a YMA General Conference khan Mizo hnam leh Mizoram hihnamdang leh a tichhetu hmelma thil chi hrang hrang laka humhalh ngai nia hriain kumin 2012 kumpuan atan“Ram leh Hnam Humhalh” a puang a. Central YMA atanga kumpuan hmalakna tura kaihhruaina Branch-in kandawn hunah Nursery Aw-ah hian kimchang taka rawn tarlan ala ni ang. Kan Branch huamchhunga hmala turinBranch chuan Kumpuan Committee pawh a din nghe nghe a, he column-ah hian Central YMA leh Branch YMAhmalakna a theih chin chin rawn tarlan tum a ni bawk ang.

Mizo i nih chuan heng zawhnate hi lo inzawt ve ang che:
(1) Engvangin nge Mizo hnam hi humhalh a ngaih a,eng lakah nge?
(2) Mizoram hi engvanga humhalh ngai nge a nih a, englakah nge?
(3) Ram leh Hnam humhalh tih hian politician thenkhatleh mi thenkhatin ‘thliarkar rilru’ an tih fo leh‘inlakbingna tha lo’ a kaichhuak thei ang em?
(4) Mizoram leh Mizo hnam kan tih hian eng chen ngehuama kan ngaih?
(5) Engtianga hmalak nge tha ang?
(6) Kan Ram leh Hnam hi eng lakahte nge kan him loh?
(7) Chhunglama inchimralna (moral assimilation) hienge kan ngaihdan?
(8) Chhunglam inchimralna nge pawnlam inchimralnahlauhawm zawk?

Leave a Reply