KUMPUAN LAM I HAWI ANG AW

Kan Kumpuan – “Zirna Uar” lam hrut pahin Zirna lam hawi chho tan ila a tha awm e. Hma kan sawn theihna tur kawng tam tak zinga kawngh khat i han hrut dawn teh ang.

Mizote hi zirna ngaisang mi kan ni a. Amaherawh chu a bulthut erawh duhthusam ala nilo fo. Kan Educational Institution thenkhat te hi Sorkar ta anih laiin, a then chu Mimal ta an nithûng.

Kan hriat theuh angin chhungtin dinhmun a in ang lo, chhungkaw harsa zawk leh thawhchhuah nei mumallo chhungkua a naupang te chu Sorkar Sikul-ah an lût tlangpui a, dinhmun ziaâwm zawk te Mimal Sikulah an lut thung. Mimal Sikul pawh a inanglo leh tlat bawk.

Chung chu kan din hmun a ni a. Sorkar leh Mimal Sikul chu inantir theih ani tlat lo thung. Kan Educational System chu engtinnge a inher rem theih tak ang le? Mimal Sikul a thawk zirtirtute hlawh leh Sorkar Sikul a thawk zirtirtute hlawh a inang thei lo. Hei hi a chhan tur awm ang chu kan hre vek turah ngai i la a tha awm e.

Sorkar Sikul ah chuan Free admission & Free Monthly fee, naupang chhun chaw ei tur te an buatsaih a, chaw chhumtu tur thlenga hnathawk an awm a, chubakah zirlai lehkhabu a thlawn a sem te, computer hunsak deuh vek tawh an ni. Tin, Sorkar chuan Sikul building tha tak (repair fund a awm bawk) leh compound ngialnghet tha tak a nei tlangpui, current leh tui regular in a nei bawk. Sikul naupang leh zirtirtute tan facilities eng engemaw a awm bawk.

Private Sikulah chuan Uniform, zirlaibu zawng zawng, admission & Monthly fee chawi a ngai, engkim lei vek a ngai tluk a ni. Sorkar Sikulah chuan luh a chakawm zawk hle na in, khawsa ve tawk tawk te pawh in Mimal Sikul(English Medium) kan pan hram hram a ni. Chutihlai chuan Educational System tharin min han tuam leh hluaia, Sorkar Sikul thenkhat SSA kaltlangin English Medium Sikulah kan han let ve tan a, Mimal Sikul English Medium te chu tluk tak tak theilo mahse Sorkar Sikul naupang an pung ve leh hret hret tan nia hriat a ni.

Chutianga seno inthlau hle si, mahse senso hautak zawk school chu harsa chung chungin kan pan tawk tawk bawk si, enge a chhan ni ta ang? E le, Sawrkar Sikul aiin Mimal Sikul naupang te result a tha zawk tlat zel a lawm! A thawktu lak dan lam chu lo dahtha ta ila, thawk tura lak kan nih tawh chuan kan ram tan tiin rawngbawlna ah ngai ila, kan zirlai naupangte theih tawp i han chhuahpui ve ta ila, kum hnih khat ah hlawhtling nghal mai lo mah ila, hlawhtlin hun chu ala awm ngei ang, chumi hunah chuan result tha kan nei ang a, zirlai naupang pawh kan lo ngah ve dawn a ni. Kan veng a Sawrkar Sikul a thawk te hian bul han tan ila, tichuan kan Kumpuan hlawhtlina bul chu kan tan thei dawn a ni.

Mimal School aia Sawrkar Sikul in result tha a neih hun ah chuan kan ram in tun ai hian hma a sawn ngei ang.

Leave a Reply