KUMPUAN: Ram leh Hnam Humhalh

Kan rama thei,thlai,thing,pangparte an hlutna kan ti hniam tual tual a, ram dang atangin man to tak takin kan la lut tan mek a ni. Kan rohlu te hi hauhsakna atan kan haichhuah thiam atul ta ngei mai.

THEI chungchang han thlurbing bik ila, Khawthlang leh Burma ram atanga Thei kan lakluh, eichawp dawra kan zawrh hrang hrang te han tarlang ila ; Theihai atanga siam-Maaza,frooty (Freshy mango drink&Juice), a rep um/ro packet chi hrang hrang bakah Sweet&Chewing gum leh chhangah te Mango flavour tih inchuang kan ei hnem khawp mai. Borai- Borai ro leh um packet hrang hranga an siam te kan lei hnemin kan lo zuar nasa ngei mai. Kawlthei atanga siam- Kawlthei Sweet te, Theite/Japan theite um packet te, Tengtere atanga siam- a rep um/ro packet, Sweet,jam,juice,.etc. Limbu – ah erawh hmasawnna kan nei ta, food industry kan nei nual e; Sorazo(Fresh Limbu Juice), Koinonia(Organic Fresh Lemon Juice), MaLRIN(Malrin Lemon Drink) te kan nei ta. Food Industry lamah tanlakna tur a la tam hle mai . Ser kawr atanga siam kamram ringawt pawh hnamdang chuan min eitir in kan sum min lak hek sak thei tlat a ni. Kan thei/thlai han tarlan te khi Mizoram khawi hmunah pawh a tha thei vek a ni. Abik takin kan thei neih te hi Ram dang aia tui leh hrisel zawk a ni a, kan eitam a tul hle a ni. Kan eitam tawkloh avangin kan hriselna pawh a pan hlawm reng a ni. Kan thei kung neihchhunte chu kan hlui hlawn zel a. Kan thei neih chhunte hi tipung ila, sumdawnna rotling nithei turin i phun/ching uar sauh sauh ang u.Thiamna a sang tual tual a, hriselna lamah hmasawn tumin kan kal zel a ni . Ram changkang hrisel zawkte kan awt thin a, Thei thianghlim an ei tam hle a ni tih kan hriat tawh kha, Vitamim tha manto tak tak te hi Thei/thlai atanga siam deuh vek a ni.

Kan thei neih chhunte chu a hlutna hrethiam turin Ram dang thei an rawn thawn luh leh, ho tak taka an sawngbawl, loh theihloha kan lo lei thin atang hian hre tur kan ni tawh e. (Khawmhma te hi kan ramah a tha duh em em a, siam danglam a tui tak niin sum tam tak lakluh theihna a ni). Mizoramah hian Thei chi hrang hrang atam em em a, Khawvelah hian thei chi hrang ngah ber kan ni hial awm e. Ram dang atanga chawkluh ngai lo a awm thei kan ni tih hriaa kan harhchhuah thuai thuai a van tul tawh tak em.

Kan Thei neih te tipung ila, tam tak tharchhuak thei turin bul i han tan teh ang u. Kan ramah hian Thei ringawt atangin Ramdang atangin sum tamtak kan la lut thei dawn a ni. Thei phun uar sauh sauh ila, boruak tha tam tak kan siamchhuak tel pah bawk dawn a ni. Ramchhung intodelhna kawng tha ber leh Ram pawna thawn chhuah theih sumdawnna rotling kan siam dawn a ni. Tin, Ram leh hnam humhalhna kawng tha ber zing a mi niin, Nungcha, Sava leh Ramsa, Thing leh mau, Ramngaw hunhalhna kawngah pawh nasa takin hma kan sawn ngei ang.

Leave a Reply