LAWMTHU SAWINA

– C. Darthankima
Chairman, Nursery Veng Local Council

Pi leh Pu, Thian duh tak te, in mi duhsakna te dawngin Nursery Veng khawtlang inkhaihhruaina hna chu kei leh ka thawhpui te chungah min lo hlan a. He khawtlang kaihhruaina kan thawhna kawng hrang hrang ah in mit tlun tawk loh na leh in pawi lo sawi na te kan nei ang, chungah chuan ka thawhpui te aiawhin, in mi ngaihdamna ka han dil e.

Khawtlang hruaitu ni turin min lo thlan chhuah takah chuan veng chhung NGO te khawmin an thurawn te kan la a, an nin, veng chhung inkal pawhna chu No. 1 ah nei turin min ti a. Tin, Veng nu leh pa te in ko khawmin, veng chhung Ruihhlo Dona kawnga hma lak dan tur sawi hovin, JAC din a ni a, Kan JAC te hma lakna a fakawm thlawt a ni. Branch YMA te leh Section YMA te nen kan thawh hona a tha in veng chhung information siam chung changah theih tawp in kan lo pui ve thin a. Kan Section lam te nen pawh, Faina chung changah te kan thawhhona a tha hle bawk a ni.

Theih tawp a hma la in tun ah hian nasa takin veng inkalpawhna lam ah hma kan sawn a. Tin, heng inkalpawhna atan hian mi ram te dilin, ram neitu ten khawtlang tan phal taka min pek thin a vangin kan van lawm em!! PHE Tui Connection lak chung chang ah pawh, Mipui tan T – Cluster hmun sawm lai ah te kan siam a , veng mawng ber tan pawh Tui Conection awlsam taka an lakna turin buatsaih a ni.

Electric lam pawh kan lo hniang hnar theih nan veng chhak ah Transfomer thar 2 dah a ni a, Vengthlang lam ah 1 dah belh a ni a. Tun ah hian EE in Tlawng Road (Saizahawla Tuikhur) bul ah dah min phal sak leh tawh bawk a ni. Tin, Veng mipui tan Street light tam tak siam a ni a, tun ah hian Solar Street light hmun 8 ah dah ni in, hmun 40 ah dah leh turin engkim tih fel tawh a ni. Heng Solar Street light kan neihna tur hian veng pa engnge maw zatin thawhlawm an rawn thawh a ni.

Thalai infiam mi te tan an in Fiamna tur te buatsaih sak a ni in, kan thalai te chu infiamna ah hma sawn in Nursery veng tan No mawi an rawn chawi haw fo ta, a van lawm awm em! Veng in Hall kan mamawh na hriain Hall Committee te siamin theih tawpin hma lak mek zel a ni a, ME School bul ah leh Gov’t English Primary hmun te chu Hall changkang tak din turin hma lak mek a ni. Kan inkalpawh na Step te pawh zawi zawiin ChegureTile phah mek zel a ni a, a tulna hmunah Handralling te siam zel a ni. Sawitur a tam mai.

Kan hun tawp dawn lamah, khawvel a natna tihbaiawm tak( Corona Virus) hri leng in min ti buai ta. Local Task Force te, Sawrkarin min din in, mi tin mai in kan tum loh kawng kan lo zawh ta a. Khang kan hma lakna bei tham tak ah te in mi hriatthiamna kan ngen e.

Awle, hei kan hmalawk ni 27.08. 2020 ah hian, Khawtlang hruaitu tur te kan lo thlang leh dawn ta. MNF, ZPM, Congress atangin veng tan a hnathawk tu tur Candidate mi 7 theuh an rawn pho chhuak leh ta e. Mipui ten rilru fimtak pu chungin kan khawtlang hruaitu tur in lo thlang teh ang u. Mimal tlin lohna te in sawi sak vak vak lovin, in Campaign tlang teh ang u.

Lawmthu sawi chungin, duhsakna ka hlan a che u,

Ka lawm e.

Leave a Reply