LENGKHAWM ZAI INTIHSIAK

Platinum Jubilee lawmna chikhat atan Central YMA chuan August ni 26 &27 khian YMA Branch hrang hrang te LENGKHAWM ZAI – a intihsiakna a buatsaih leh dawn a, kan Branch pawhin PAKHATNA ni ngei turin tel ve leh a tum a, tunlai hian ngawrh tak in hla zir mek a ni.

Kan hriat theuh angin nikum hmasa lamah ZAIPAWL intihsiakna hmangin Zoram khawvel-ah Nursery Veng te phochhuah in kan awm , Branch 750 chuang zingah a pumpui ah pahnih(2)-na kan ni, a lawmawm in a va hlu em, a hunlaia Nursery Veng mipuite kan hlawhtlinna avanga kan hlim zia leh tun thlenga miten kan veng an hriatzui dan te hi a va hlu in chhawmnun reng atan a va tha em.

Nursery Veng YMA Zaipawl te hlawhtlinna chhan kha kan la hre theuhvin a rinawm, kan hruaitute inpekna thuk zia te, Zaipawl memberte inpekna ropui zia te leh vengchhunga mi tlawmngai leh a nachang hria ten eitur, sum leh paia min puihna zawng zawng te avangin hlawhtlinna Nursery veng in kan chang anih kha, hla te i zir ve thei kher lo a nih pawhin kan theihna chin chin kan member hla zirte i tawiawm ang u. Tunah hian YMA member ten LENGKHAWM ZAI INTIHSIAKNA tur a tan hla ngawrh taka zir leh mek a ni, YMA member mahni inlam a tangkai leh tul tak tak ten kan hna tul leh tihtur te kalsana hlazir leh te a ngaidawn a, kan nu leh pate’n min lo hrethiam hram hram turin kan ngen che u a ni, Zoram khawvel-ah he intihsiakna hmanga phochhuah-a kan awm leh ngei theihna turin tan i han la ho leh teh ang u.

YMA Platinum Jubilee lawmna denchhena Central YMA-in Lengkhawm Zai Intihsiak a buatsaih turah a thawh khatna atan Ni 13.7.2010 (Thawhleh) zanah Middle School-ah hla zir a ni a. Hetah hian Lengkhawm Zai Intihsiak a tel tur Member thahnem tak kalkhawm a ni a, Branch leh Section YMA hruaitute pawhin Member-te an tawiawm tha hle a ni.
Section hrang hrang atanga member kal dan hetiang
a ni:
‘Y’ Section – 17
‘M’ Section – 11
‘A’ Section – 16
TOTAL – 44

Hla zir leh hun atan hetiangin ruahmanna siam a ni
A hun : Ni 20.7.2010 (Thawhleh) Zan Dar 7:30
A hmun : Middle School

Lengkhawm Zai Intihsiak a tel tura ruat Member zawng zawng kim taka kal vek tura ngen leh beisei kan ni a, ruat zinga tel lo palh heti lama tuimi te tan in thlahrung miah lovin engtik lai pawhin tel theih reng a ni.

Leave a Reply