LIRNGHING REPORT

November ni 26 (Zirtawpni) zing dar 5:15- ah Mizoram pum bakah, India Hmarchhak State te, Myanmar leh Bangladesh pawh nghawr khawpin lir a nghing a. Ministry of Earth Sciences hnuaia National Centre for Seismology-in report a pek danah chuan, a tha nghawr pek nat zawng hi 6.1 Magnitude niin, leihnuai km 12-a thuka insiam a ni.

Lirnghing thlenna hmun hi Myanmar ram chhung (Lat. 22o 46’11.9994” & Long. 93o13’48”) niin, Indo- Myanmar Range atanga irh chhuak a nih hmel.

He lirnghing hi Pachhunga University College (PUC) Broadband Seismic Station-ah pawh chhinchhiah a ni a. A nghing hma zanah lir hmahruai (Foreshocks) tenau engemaw zah a awm bakah, a hnukhawi (Aftershocks) vawi tam tak a lo chhinchhiah bawk. PUC Seismic Station atang hian, lirnghing nat zawng leh a thlenna hmun ai mahin, lir a lo nghing a, a siamtu lei inpelhsawlh ziarang zirna atan data chipchiar a chhinchhiah a. Hengte atang hian kan hmalam lirnghing kan tawh mai theih dinhmunte thlenga zirbingna kawngah hriatna thuk zawk a awm thei tawh dawn a ni. PUC Station bakah hian, Lunglei leh Khawbungah bun thuai a ni ang.

November ni 12, 2021 khan PUC-ah Chief Minister-in Broadband Seismic Station hi a hawng a. He station hi CSIR- NEIST Jorhat leh Department of Geology, PUC tangduna hmalakna a ni a. DM&R lamin Station cheihnumna leh khawl mamawh lei nan leh, zirmite zin veivahna atan cheng nuai sawm-pahnih a tum a, project hi kum thum atan neih a ni phawt ang.

[Issued by: Department of Geology, Pachhunga University College: 26.11.2021]

Leave a Reply