LOCAL COUNCIL HRIATTIRNA

1. Bawlhhlawh Paih Motor Tlan dan tihdanglam a ni:
Rokhawlhna dang a awm anih loh chuan Nursery Venga Bawlhhlawh Phur Motor tlan dan tur hetiang hian ruahmanna dang siam a ni a:

Salvation Biakin to Pu Seikunga in chhak lam zawng Motor lian (407) a tlan ang a. YMA Road thlang lam zawng chu Motor te (Pick up)a tlan thung ang.

Vengchhak lamah: Thawhtanni (Monday), Nilaini (Wednesday) leh Zirtawpni (Friday) zing karah a tlan thin ang.

Vengthlang lamah: Thawhlehni (Tuesday) leh Ningani (Thursday) leh Irinni (Saturday) zingkarah a tlan tawh ang.

August thla atang hian Aizawl Municipal Corporation thuchhuak angin Tawihthei leh Theilo thliar leh tawh tur a ni.

Vantlang bawlhlawh bawmah mimal/chhungkua bawlhhlawh paih lo turin kan in hriattir nawn leh a ni. Tin, mahni compound theuh vawngfai thar leh turin kan hriattir nawn leh a, Mahni kawtkai a tuihawkluankawr te thianfai ziah turin kan inngen nawn leh a ni.

2. Wheelclamp:
Traffic leh Local Council te hmalakna in Garage-a Motor dahlo te Wheelclamp hmanga cheh thin an ni a. Garage-a Motor dahlo te chu remchang hmasa berah WheelClamp hmangin cheh leh tur an ni a, lirthei neitu zawng zawngte lo fimkhur lawk turin an in hriattir.

3. Ui pawn chhuak:
Sawrkar dan ding lai angin ui chhuah khap a ni a, ui chhuahlui zel kan awm chuan kut palh an tawrh pawhin tumah in an sawibuai thei lovang. Tin, ui inthiar tir thin ten khawlai a inthiartir mai lovin, mahni inthiarna hmun ah emaw mahni compound ah chauh inthiar tir thin tur a ni.

Tin, ruahtui tlak a lo hun leh ta a, vengchhungah chhiatna (leimin) kan tawh loh nan chhungtinte’n mahni tui chhe paihna tuiluankawr mumal taka siam turin kan in ngen a. Inchungtui paihna dififarfem(Tuidawn) tha tak siam turin leh kan tuichhe paihna te Tuihawk-luankawr-a luanglut thei ngei tura hma la vek turin kan inhriattir a ni.

Leave a Reply