LOCAL COUNCIL NGENNA LEH HRIATTIRNA

Dt 9.3.21 (Thawhlehni) a Aizawl City Local Council Association (ACLCA) Executive Committee chuan, khawpui chhunga Vawksa rate leh Cement Mistiri leh Helper rate chungchang heti hian relin thuchhuah a siam a:-
1. Vawksa hring 1kg = Rs 400/-
2. Vawksa rep (700 grams tling ngei) khai khat = Rs 400/-
3. Cement Mistiri daily rate Rs 800/- leh Helper daily rate Rs 450 (helper bik hi anmahnia ei leh in tur an intum in)

Heng ACLCA thuchhuah te hi, Nursery Vengchhungah pawh hman nghal tur a ni. Vengchhungah tumahin hnam dang Mistiri te theka a insak tir phal a ni lova, theka a insa lui te chu an ILP cancel sak an nih dawn bakah, NOC sign sak an ni tawh lovang. Veng pawn lam atanga kan vengchhunga hnam dang Cement Mistiri insa tur te reng reng chuan Local Council ah in report in, Work Permit an nei hmasa ngei ngei tur a ni.

Vengchhunga insa lai leh sa tur reng rengte pawhin theka a insak tir lo tur leh, an rate bithliah anga chhawr vek turin kan inngen a, Mistiri leh Helper rate siam anga thawk duhlo te chu Local Council ah report zel turin kan inhriattir e. Thuchhuah hi khauh taka kenkawh leh bawhzui a ni ang a, rate bithliah siam anga thawk duhlo leh thuchhuah zawm lo Misitiri leh Helper te chu, vengchhunga an awm pawh phal a ni lovang. Vengchhunga insa lai leh la sa lehzel tur te pawh, Local Council te nena kan thawhhona a lo that zawk zel theihna’n a thuchhuahte thuawih taka zawm theuh turin kan inhriattir a ni.

Sd/-
Michael Lalruatdika
Secretary
Local Council, Nursery Veng.

Leave a Reply