LPS Muay Thai Professional Fight Champion kan ni

Dt.6.4.10 (Thawhlehni) zan kha kan veng tan chuan theihnghilh theih a ni tawh lo, Pu. M.Hunter Hnamte leh Pu. Gnat L.R Hnamte te unau kan va chhuang tak em! Tin, kan veng mi ngei Referee Pu Lalrintluanga a la ni zui, kan veng tan chuan nuam dangdai tak ani, veng mipui anmahni tawiawmtu kan tam bawk nen boruak a sang khawp mai.

Muay Thai Professional Fight Final a ni a, unau an intum erawh rilru la pengtu a ni lo thei lo, Mizoram pum chuan a u zawk an ti a, a thenin a nau zawk an ti, a tawpah aia upa zahna a lang ta, YMA tak a ni.

Nursery Veng nih an ti nuam khawp mai, kan veng hian kan chhuang em em a ni, veng mipuite pawn kan veng ti hmingthatute kan chhuang thiam hle tih alang tel bawk nen, hma kan va sawn tak em, Inlamah kan nu leh pate a hmun thleng thei lo ten Live Telecast an lo thlir bawk nen ropui tak a ni. Kan Veng YMA Member pahnih te hi veng mipuiten kal chho zel se kan duhsak tak meuh meuh a, National/International level thleng pawn an zahpui awm loh tih kan hria, an kal leh zelna turah duhsakna kan hlan a ni.

Leave a Reply