MATRIC PASS THAR TE LAWMPUINA

Ni 13.05.2020 a MBSE in Class – X result – a tih chhuahah kan bial Aizawl West – III chhung atanga Matric Pass thar zawng zawng te ka lawmpui tak zet a che u, in kal lehzelna turah duhsakna sang ber ka hlan bawk a che u.

Kumin Central YMA in Kumpuan atana “Zirna Uar kum” a puan bawhzui a Class – X Exam – turte tana theihtawp chhuahtu kan bial chhunga Branch YMA te, nu leh pa leh zirtirtute in inpekna leh in thawhrim rah vawiin ah kan hmu hi a ropui ka ti a, ka chhuang tak zet che u a ni.

Tun tuma hlawhtling ve rih lo te pawh rilru hnual nan hmang mai lovin, rilru ti paukhauh a, miten an theih chu ka thei ve ngei tur a ni tih rilru pu a, beidawnglo a zirna chhunzawm zel turin ka fuih duh bawk che u a ni. Hlawhtlin chang a awm a hlawhchham chang a awm thin, mahse beidawng lova bei talh talh tuten a tawpah hlawhtlinna hmel an hmu thin tih hriaa theih tawp chhuah zel turin ka han chah nghal a che u.

Sd/-
(VL ZAITHANZAMA)
MLA
Aizawl West – III (ST) A/C

Leave a Reply