MIBO ZAWN CHUNGCHANGA CENTRAL YMA THUCHHUAK

Pu Vanlalthanpuia (38) s/o HS Lalhmangaiha, Electric Veng, Aizawl, ni 12.05.2020 atanga chin hriat loha bo chu Central YMA kaihhruaina in zawn mek zel a ni a. Naktuk, ni 23.05.2020 (Inrinni) hi zawn hun ni hnuhnung a ni ta a. A hnuaia mi ang hian naktuka zawng tura ruat Branch YMA ten an zawn dan tur ruahmanna siam a ni.

Heng a hnuaia Branch te hi chawhma dar 10:00-ah Phunchawng RV ah kim tur a ni ang.

1. Vaivakawn
2. Dawrpui
3. Govt. Complex
4. Hunthar
5. Zotlang
6. Kanan
7. Edenthar
8. Dawrpui Vengthar
9. Chanmari West

A hnuaia Branch tarlante hian Chawlhmun leh Sakawrtuichhun ram chhung atangin Phunchawng kal theihna kawng tum awm te atangin an zawng thla ang a, Phunchawng RV an pan ang.

1. Chawlhhmun
2. Tuivamit
3. Tanhril
4. Tanhril Vengthar
5. Central Jail Veng
6. Sakawrtuichhun

Heng bakah hian Sairang, Sairang Dinthar leh Sairang Sihhmui Branch te chu anmahni huamchhunga lo zawng tura beisei an ni bawk. Mibo zawng tura thawk chhuak te hian chhuna ei tur leh mahni mamawh te intum tur a ni a, Branch tin atanga thawk chhuakte hming hi RV ah thehluh nise a lawmawm hle ang.

Mibo kan zawn mek hi beisei anga hmuh a nih loh chuan tlai dar 3:00-ah Phunchawng RV-ah a kharna hun hman tur a ni ang. Aizawl khawpui chhung Branch YMA te mahni huamchhung theuhah lo thlithlai theuh turin kan inngen bawk a ni.

Sd/-
Dr MALSAWMLIANA
Assistant Secretary
Central YMA
Ni. 22.05.2020

(He thu buatsaih lai hian hmuh a nih thu report dawn a ni lova, Mizo dan anga ni sarih zawn hun chu tih tawp a ni ang a, a chung a tarlan ang hian kharna hun hman a ni ang)

Leave a Reply