Mind Your Own Behaviour…?

– Remrema Pa

Miin tunge ni an tih che ….?
Miin enge nia an hriat che ….?
Nangmahin tunge/enge nia i inhriat le ….?

Mipa tan ………..

In tih tunlai nana sam han tihphir thur vak mai hi enge a hlutna ni a kan hriat ….?
Smart tawka meta a mawi tawk chauhva Oil/Gel hman mai hi a zahawm zawk i ti em…?

Kekawr kawng fual tak mai, tla lek lek khawpa hak te hi a tun lai viau em ….?
Hetiang hakna tur hun leh hmun bik pawh ngaihtuah lova, inkhawm tur emaw khawi emaw kal dawn hleka hak zen mai hian min ti zahawm ang em le ….?

Hmeichhe tan………

Kan intih tunlai tum vang ni maw.. kan kum leh thluak thil tih theih tawk mila thiam theih tura mi thiamte duansa zir tha peih lova, Loose taka nunga nitin Sikul kal tha peih lova, a tawpa Open School-a innghah leh ringawt mai hian min ti puitling em ….?

Incheina tun lai neih theihna a nih phawt chuan tia mahni hlutna hralh mai pawi ti lo ka ni ve em ….?

TV-a chhing leh lang zau tak mai a incheite hi chuan rim taka an zira an thawh hnu-ah hlawh tam tak hlawh tura hetianga rawn inlan hi an ni tih kan hria em ….?

Pasal atan….lak lawh thil vang ni miah lovin, nangmah enkawl leh chawm thei tur che thlang dawn ta la …. sam phir/thur tak leh kekawr mawng fual tla lek lek khawpa inchei a ruihtheih thil ti ve thei deuh zel mai te hi i thlang nalh ang em ….?

Hun bi tiam neia thil tihna turah min 5-a hma thin nge i nih min 5-a tlai thin ….?
I rilru chhungril takah a eng zawk nih hi nge i duh le ….?

Heng zawhna tlemte hi i rilru chhungril, chhia leh tha hriatna thiang tak hmang a ngaihtuahin han chhang teh le….

Leave a Reply