MIPUI TE HNEN A LOCAL TASK FORCE LAWMTHU SAWINA

– C. Darthankima
Chairman, Local Task Force, Nursery Veng

Pi leh Pu, Thian duh tak te u, kan Ram in thil ala hmachhawn ngai reng reng loh, natna tihbaiawm tak mai, Corona Virus kan hmachhawn mek a. Lock Down te, Curfew te, puan alo ngai ta. Lock Down leh Curfew Puan ah, mipui ten tha tak a kan zawm tlan thin avangin, Veng mipui te chungah Local Task Force aiawh in lawmthu ka han sawi e.

Tin, Duty tur a kan han ruat ten, thih pawh hlau lo va, tlawmngai tur a kan in ruatna te min tih hlawh tlin sak thin avangin, kan van lawm tak em!!! He thil duh awmlo tak, kan hmachhawnna ah chhuanchham te kan lo awm takin ti a, Kohhran leh Mimal, Pawl te hnen atangin thil pek kan dawn thin a vangin kan van lawm tak em!!! Heng thilpek kan dawn hrang hrang te avang hian, Vengchhung mi harsa te leh chhuanchham mai tur te hnen ah, BUHFAI etc. semtur kan lo nei thei ta, a van lawm awm em !!!

Veng chhung dawrkai te kan bungrua neih ang angte, Veng mipui te tan, min buatsaih sak thin a, kan van lawm tak em!!! Min bialtu MLA leh Councillor te pawhin theih tawp a min rawn vil thin avangin lawmthu kan sawi e.

He natna tihbaiawm tak mai hi awlsam tak a kai theih a ni in, awlsam taka inven theih a ni. Pawn chhuah loh leh mi bul hnai a awm loh, mahni intihfai peih te a ni a. Fimkhur loh vangin awlsam takin kan kai thei bawk a. Chu vangin Sawrkar thu chhuak leh Local Task Force te thu i zawm hram hram zel ang.

Kristian kan nih angin mipui ten Pathian auh nan i hmang ang u. Pathian chu kan in humhimna leh kan chakna a ni si a, Mangan laia tanpui thintu a ni. “Mi au la, ka chhang ang che, thil ropui leh inthup i hriat ngai loh chu ka en tir ang che,” (Jeremia 33:3)“

Ka lawm e.

Leave a Reply