MITTHI SAWNGBAWL DAN

Tunlai hripui Covid-19 leng laka invenna ah hian ni 02.04.2020 (Ninga) zana Meeting chuan chhiatni bik atan ruahmanna a siam a. He ruahmanna hian eng natna avang pawha thi a huam anga, ruahmanna hi hripui len hun chhung atan chauh a ni ang.

1. Mitthi vui dawna thingpui sem thin hi tih tawh loh a ni ang.

2. Tlaivar ngai mitthi-ah chuan a nawlpuia tlaivar lovin Branch Executive Member-te leh mitthi awmna section O.B leh Committee te kutah a awm ang. (Tin, Naupang leh Kum upa lam te awmphal a ni lo bawk)

3. Khawhar lenpui chhung hi zan khat a ni ang a. Khawhar In lenpui hi YMA zan hun chhung hi chuan a nawlpuia inlenpui lovin Branch Executive Member te, Section tin OB-te leh chhiat tawk awmna Section Committee Member-te chauh khawhar In lenpui tur hian kal nise.

4. Vengchhunga thi pawh a rang lama kuanga dah thin nise, veng pawn leh Damdawi In atanga ruang lak tur anih chuan kuang nen a ruang hi lak tur a ni.

5. Khawhar In bulah kut silna siamin lut chhuak apiangin kut sil thin tur a ni.

6. Ruang sawngbawltuten kutkawr (Glove) leh hand Sanitizer-te, Mask leh Apron hman tur a ni, heng hi Branch-in a ngaihtuah ang. Mizo tlawmngaihna atanga mitthi kan sawngbawl dan thlahthlam silovin, fimkhur taka kalpui tur a ni.

7. Mitthi taksa atanga tui ril chhuak thei a awm chuan sarangin ruang chu a puma tuam tur a ni.

8. Thlan hi tun kan hun tawn ah hian laihlawk ve tha kan ti a. Branch hruaitute kaihhruaina hnuaiah fimkhur taka kalpui nise, thlan lai te tan hmai tuamna (Surgical Mask) leh kut silna (Hand sanitizer) te Branch-in a ngaihtuah ang.

9. Vengchhunga mitthi an awmin a hma thei ang bera vui nghal tur a ni ang.

10. Mitthi vuina ah hian a vuitu kohhran Committee, Branch Executive Committee Member leh Section Committee Member chin leh a kal ngei tur awma in ngai chinte an tel ang.

11. Mitthi Buhfai leh Rs 10/- chhungtin a kan khawn thin hi khawn loin, Branch-in Rs 3000/- leh buhfai Bag khat chhiat tawkte a hlan ang.

Heng baka tuldang awm te chu Branch Committee-in ruahmanna a siam ang.

Leave a Reply