NUPUI/PASAL NEI TUR LEH NU LEH PA TE TAN

Martin Luther-a chuan, “Nupui hi neih leh ngai ka nih chuan lungpui atangin ka thuawih deuh tur ka ker ngat ngat tawh ang” a tih laiin, thuhriltu ropui dang Billy Graham-a chuan, “Vanram chu Ruth-i neih ang maia nuam leh hlimawm anih ka ring” a ti ve mauh mai!

Anni pahnih hian, “A nuam leh hrehawm, bawrhsawm lai ber pawhin, tiam tlat e……Kumkhua atan, thih hma zawng” ti a Pathian leh Kohhran hote hriatpuia an lo tiampui tawh an nupui chungchanga an thusawi han ngaihtuah hian, nu ho hian an pasalte’n engangin nge an ngaih ang aw, tih in ngaihtuah a, an lo in enfiah ve mai maina atan heng mi ropui pahnihte thusawi hi ka han tarlang a ni.

Nu ho hian an pawimawh zia hi an hriat a tul takzet. Thuhriltu ropui DL. Moody-a khan, “Ka nuin min enkawl ang hian mi nu te hian an fate enkawl sela chuan lungin hi a awm lovang” a ti a. George Herber-a pawhin, “Nu tha tak pakhat chu zirtirtu za khat tluk a ni” a ti ve bawk. Nu ho hi an va pawimawh em!

Thenkhatten nupui pasal neih chungchangah, “Hmangaihna” aiin “Hausakna” an hmachhuan fo! Mahse, mi ropui Voltaire-a khan, “Hausakna leh hlimna hian inlaichinna a nei lo” a ti ve mauh mai!

Hauhsakna um avanga nupui/pasal a inneite hian hlimna an beisei ang erawh an nei vek thin lo tih a chiang hle. Chutih rualin tlangval nupui nei tur ho tana Spanish ho thufingah chuan, “I nupui tur chu i mita thlang lovin i bengin thlang rawh” a ti.

Nupui tur mit ni lo, benga han zawn ngai teh tlat mai chu! Nula ho tan pawh, “Ka chanchin engtin nge min sawi thin” tia benga zawn tlak nula ni tura mahni in enfiah nan an hman a tha hle.

Leave a Reply