NURSERY VENG A REH!!

Kumin Krismas leh Kumthar vuakvetah Hâlpuah/hâlmawi chi hâl lo tur leh Silai lem (a mu kah chhuah theih chi) tumahin lei lo tur leh zuar lo turin Mizoram sorkâr leh Central YMA atanga Branch YMA-in hriatt$rna kan hmuh angin kan vengah VC leh YMA chuan mipui leh dawrkaite Nursery Aw leh Information Mike hmangin kan ngen a.

Kan ngenna angin Krismas leh Kumthar vuatvetah engmah hâl hriat tur a awm lo leh zuar an awm lo kha thil ropui tak a ni a, nu leh pa tumahin silailem (khap chi) an leisak lo bawk a, thil ropui tak a ni.

He thil hi a hlawhtlin tak tak ring lo tam tak an awm laia heti em em a hlawhtling hi sawi loh theih loh, ngawih bopui mai chi a ni hauh lo. VC leh YMA ngenna ngai pawimawhtu, Nursery Veng mipui chungah lawmthu kan sawi tak meuh meuh a ni e.

Chutihrualin, Jan ni 1, 2010 zan 7:22 pm vel khan Sikultlangah bomb puak ri (ring tak) tum khat hriat ani tlat mai! Veng dang zawng zawngah hriat tur a awm loh laia kan venga bomb puak ri hriat tur awm hi a zahthlak hle.

Leave a Reply