NURSERY VENG BRANCH YMA KUM 13 TLING TA

Nimin October ni 30 kha Bûngkâwn Branch atanga kan indan champha vawi 13 – na niin Nursery Vêng Branch YMA chuan kum 13 hmêl a hmu ve reng mai! Pathian hruaina te, hruaitu tha tak tak kan neih thin te, a sûr-a-sa hnuai leh dosi kârah pawh phatsan lo va rinawm taka hruaitute hnungzui thin member fel tak tak te inpêkna te, nu leh pa leh khawtlâng hruaitu te vênpui thin avang tein a din tirh tê khân hohai tak ni mah se, tûnah chuan Branch puiting ve tak kan ni ta a nih hi.

Kan Branch YMA indan tirh khân Bûngkâwn Branch YMA-in bungrua leh sum tein min indan a, Bûngkâwn Branch hnuaia kan awm laia section pahnih – Chawngbawla leh Saizahâwla section ten bungrua leh sum tlêm an neih bâk engmah kan nei lo. Nu leh pa uapna atanga nupui fanau indanpui hlim ang chiahin bungraw hluihlâwn pawh nise hman tangkai theih apiang iai phal lo, bul tan leh pachhe tak ni thin khân tunah chuan ‘YMA bungrua’ tia kawh tur kan nei ve nual mai!

Kan indan tirh leh vawiin kan Branch YMA dinhmun khaikhin hian duhthawh deuhten engmah tham lovah ngai mah se khawvêl thil hmasâwn chak dân anga teh chuan ‘hmasâwn tak chu kan ni ngei mai’. YMA member 736 (mipa 439; hmeichhia 297) kha tunah chuan 1,200 kan chuang tawh a, section 2 chauh ni thin kha tunah chuan section 3-a then tham niin then a ni a, vêngchhûng hmun hrang hrangah YMA kuthnu leh sûlhnu hmuh tur a awm chekchuk a, Hall leh In te kan nei a, thlânmual bungrua kan nei tha ve viau tawh a, thutthlêng, no, thuk, sports bungrua, culture bungrua leh bungraw dang pawh zahpuiawm miah lo kan nei a, Zoram pum zaipâwl intihsiakah a thiam ber dawttu kan ni thei a (audio CD kan la siam thei zui), tin, hêng kan bungrua leh dinhmun te hian hmâ a sâwn zêl dâwn bawk.

30-10-1997 kha…
Ningâni zân a ni a. Khatih laia Central YMA Gen. Secretary Pu Lalbiakmawia Ngente, Bûngkâwn pa-in tuna Model English Medium School ni ta, Pi Lalzamliani In zâwn pindan 3 hawn tlanga Nursery Vêng mipui pung khâwm hmaah, “Kan ram leh hnam hmasâwn zêlna atân te, kawng hrang hranga kan khawtlâng a lo changkân zêlna atân leh YMA dinchhan leh thiltumte tipuitling tura thahnemngai taka thawk turin Nursery Vêng hi ka hawng e” a tih chu ring leh uar taka kutbêngin a zui nghâl a nih kha. Heta tang chiah hian Nursery Vêng Branch YMA chu YMA Branch 692-na leh, Aizâwl khawpui Branch 75-na ni turin a lo piang ve ta a ni.

Branch hawn zân inkhâwmah khân Branch hruaitu atâna ruat lailâwk (adhoc) te hêng a hnuaia mite hi chhiar chhuah nghâl niin hemi kum hi an hruai a –
President – Pu K. Zoliana
Vice President- Tv. R.C. Vanlalsawma
Secretary – Pu C. Lalbiakmawia
Asst. Secretary – Pu Chawngdingliana
Treasurer – Pu R. Lalhmangaiha
Finance Secretary – Pu V. Lalhmingliana

Hemi kum November ni 11, 1997 hian kum thar 1998 atâna Branch hruaitu tur thlan niin ruat lailâwkte khi post ngaiah thlan an ni vek a, hetiang hian Exe. Member (hmasa ber) an ruat –
Senior Advisers
1. Pu B. Chawngthuama
2. Pu V. Hmingliana (VCP)
3. Pu R. Selthuama

Executive Members
1. Pu C.T. Zakhuma (A)
2. Pu Ropiangliana (Treasurer)
3. Pu Thankhuma (A)
4. Pu Sumeona (A)
5. Pu R. Zonunthara (Y)
6. Pu Lalchhana (A)
7. Pu K. Lalhmunsanga (late, A)
8. Pu Malsawmdawngliana (A)
9. Pu Lalbiakliana (Y)
10. Pu R.L. Mangliana (A)
11. Pu S.T. Lalrinliana (A)
12. Pu CH. Lalnunmawia (Y)
13. Pu R. Lalsanglura (A)
14. Pu Lalnunfela (late, Y)
15. Nl. Lalthanthuami (Pu JKa û)
16. Nl. Lalhmachhuani (Y)
17. Tv. Lalrokima Chenkual (A)
18. Tv. Lalsawmliana Renthlei (A)
19. Pu Hmingthanmawia (Khatla S)
20. Nl. Thannghilhlovi (A)
21. Pu Hmingthansanga (Y)
22. Pu C. Kapmawia (M)
23. Tv. Ralzuala (M)
24. Tv. K. Lalsangzuala (A)
25. Tv. Thanhmingliana (M)
26. Nl. Lallianthangi (M)
27. Pu R. Vanlalpeka
28. Pu Vanlalenga (M)
29. Pu P.C. Lalduhawma (M)
30. Tv. Vanlalnghaka (pêm)
31. Nl. Lalmuanpuii (M)
32. Nl. Chawngsangpuii (M)
33. Nl. K. Lalthakimi(M)
34. Pu R. Zolura (A)
35. Pu F. Laltlansanga (Khawbung)
36. Tv. Zohmingthanga (M)

*Pu AG Sailo, Bûngkâwn Vêngtharin Branch thar lawm nân Petromax thar hlak min pêk kha kan Branch-in mimal thilpêk kan dawn hmasak ber a ni.

Leave a Reply