Nursery Veng – Focus

– Remrema Pa

Nursery Aw ah hian Nursery veng bik kan inbih chian nan kan dinhmun tlangpui kawng hrang hrangin thlir thin kan tum dawn a ni.

A hmasa ber atan Kum 7 (2012-2018) chhunga Chatuan ram pan tate dinhmun thlir lawk ila.

He kum 7 chhung hian kan thlanmualah mi 134 kan inphum, Hmeichhia 39 leh Mipa 95 an ni. Hmeichhia aiin mipa 56 zetin an tam zawk, Mipa kan hek hauh hauh hle mai. Kumtin 19 thiin mipa 14 leh hmeichhia 5 thi ang kan ni a, mipa 9 in kan thi tam zawk ziah tihna a ni. Hetiang renga kan thi chho zel anih chuan Nursery Vengah hian inthlahpung tur kan awm mang lo mai ang tih hi a hlauhawm hlel ta lo a ni. Kan hmeichhiaten pasal neih an duh tho dawna, Veng dang leh khaw dang ami an neih a ngai ang, chutih hunah chuan Nursery Veng hi pem thar leh Nursery Veng makpaten an enkawl mai a ngai dawn a ni.

Hemiin a entir chu Mipate hian Pa(man) nih ve duh siin Pa dan kan thiam tawk lo tih hi a ni. Kan tleirawl chhuak a, inlak Pa nan Luhlula nu leh pa thu awih loh leh han vin khur khur te kan ching a, a malsawm lo mai ni lovin kan nih loh tawp tur kan ni tlat thin hi a ni. Kan thil tih dik loh leh tha lo hlek min sawiselin inrunluih nan Zu in leh Ruihhlo tih kan hreh lo leh zel kher te hi a pawi tak zet a ni.

Tleirawl laia zu kan in chuan kum 30 kan nih meuh chuan Zungawlvei kan ni tawh dawn a, chutiangin Ruihhlo kan ti zeuh anih pawhin Drugs eddict kan ni dawn bawk, Tu sawrkar leh Private Firm mahin an hnathawk turin min ruai duh dawn lo tih hi i chiang ang u.

India sawrkar hian kum 35 aia upa chu a hnathawk atan a la duh lo. Hei hi hre rengin kum 30 tlin hmaa dam chhunga mahni leh nupui fanau chawmna tur hna nghet nei thei turin tleirawl chhuah atangin i inbuatsaih zawk ang u.

Nu leh pa leh aia upa te luhlul khum lo leh vin khur khura tih tauh khum kher lo hian Pa takin tleirawl hunlai hi a hman theih ani tih hriain kan nun ti tawitu leh tichhe vektu, Zu leh Ruihhlo reng reng hi chu tih chhin i tum lo mai ang u. Hei hi Nu leh Pa leh U zawkte pawhin kan tu kan fate i hrilh fo ang u.

Leave a Reply