NURSERY VENG JAC HMALAKNA

– Secretary, JAC, Nursery Veng

Nursery Veng Local Council leh Pawl hrang hrang in khawtlang muanna leh thianghlimna atana hma la tura kan din Nursery Veng Joint Action Committee chuan a phak ang tawk tawkin hma a la zel a, veng chhunga zu leh ruihhlo zuar an awmlohna tura veng then thianghlim hi a tum lian berte zing a mi a ni. Tin, Zu leh Ruihtheih thil dang ti thinte avanga khawtlang a sualna pun lun tur ven te, rukruk leh sualna dang lak atanga vengchhung ven him hi a hmalakna pawimawh tak a ni bawk.

Tun hnaia JAC hmalaknate veng mipuiten kan lo hriat atan han tar lang ila:

1. Zohmingliana (Tetea) s/o C. Lalbiakkima leh a nupui Lalduhsaki (Rangvamual meuh pawhin a Zu leh Ruihhlo avanga an hnawhchhuah tawh) te chuan ruihhlo (No-4) nasa taka agent-te nei hial a an zawrh avangin sim turin vawi tam tak ngen an ni a. Ngen an nih hnu pawha an tih luih zel avangin, Local Council hmalakna in (vengchhunga NGO hrang hrang kal khawmten) ni September 21, 2018 (Zirtawp ni) hma ngei a veng chhung chhuahsan tura tih an ni a, an ni hian JAC thu tlukna angin veng an chhuahsan ta a ni.

2. Veng chhungah thil bo report a awm leh zauh zauh avangin veng mipuite fimkhur theuh turin kan in ngen a, hetiang thil laka kan him theihnan JAC chuan mit a len reng a, rinhlelh nei chuan JAC hruaitute hriattir theih reng an ni e.

3. Khawtlang mipuite ralmuang taka kan awm theihna turin Khawthim hnua tih tur pawimawh nei ni si lova, kawngkam leh mi verandah a thu khawm a, thawm bengchheng siam lo turin kan in ngen a, nu leh pa-ten mahni chhungkuaah theuh hma lo lakpui turin JAC chuan chhungtinte a ngen bawk a ni.

4. JAC duty-ten kan thil hmuh leh hriat atangin leh, Nursery veng a lo thianghlimna tur zawk a nih beisei vengchhunga dawr neitute, tul bik thil a nih loh chuan Pathian ni a dawr hawng lo hram turin a ngen a ni.

5. Vengchhunga chhungkaw nu leh pa ti rum a, vawi tam tak nu leh pa mittui ti tla tu Zu leh Ruihhlo(No-4) do kawngah JAC chuan theih tawp a chhuah zel dawn a, hetiang zuarte lakah hian zahngaihna lantir a tumlo a ni. Zu leh ruihhlo do kawngah hian veng mipuite tangrual sauh sauh turin kan in ngena ni.

6. Veng chhunga zu leh ruihhlo zuarte, zuar tawh lo tura JAC in a ngen hnu pawha ngaipawimawh duh lova zuar lui tlatte chungah Action na takin an la zel dawn a. Tuna zuar mekte pawhin bansan nghal turin an in ngen a ni

Veng tana JAC hmalaknate Local Council, Kohhran leh Pawl hrang leh mipuite thlawpna avangin JAC chuan lawmthu a sawi a ni. Kan thawhhona hi i vawng nung zel ang u.

Leave a Reply