NURSERY VENG LLTF THUCHHUAH

Mizoram Sawrkarin ni 24.05.2021 atanga ni 31.05.2021 thleng Lockdown a pawhsei leh tak avangin, vengchhung inkaihhruaina dan hetiang hian siam a ni a, veng mipuiten thuawih tak leh tha taka zawm theuh turin kan inngen e.

1. Hnathawh Chungchang:
a) Vengchhung ah hmasawnna hna engpawh thawh theih ani anga, veng pawn lam/ veng dang mi hnathawka chhawr theih a ni lova, vengchhung mi te ngei hnathawka in chhawr tur a ni.

b) Lo leh huan neitute, ran vulhtute, sangha dil neitute leh a thawktute chu phalna hranpa lak ngai lovin an hna thawh phal sak an ni a, lo/ huana hnathawk tura ram riah pawh phal a ni. Lo/ huana kal/ feh turte chuan zing dar 8:00 hmain khaw chhung/ veng chhung an chhuahsan hman tur a ni a, tlai dar 5:00 hmaa an rawn luh leh phal a ni lo. Lo/ huana kal/ feh turte chuan duty te check theih turin LLTF hriatpuina emaw huan an nei ngei a ni tih lantirna (LSC, P. Pata) an keng ngei tur a ni.

c) Mahni ina thil siamna – carpentry workshop, steel fabrication workshop, bakery, puanthuina, puan tahna leh hetiang lam thil thawhna hmunah te chuan, a awmchilhtu, hnathawktute tan LLTF hriatpuina in hnathawh phal a ni a, amaherawh chu pawn lam mi tan thawh phal a ni lo.

2. Dawr hawn chungchang: Sawrkar SOP in a sawi angin, Thawhlehni (Dt 25.05.2021) ah hian vengchhunga dawr awm zawng zawngte zing dar 6:00 atanga tlai dar 5:00 thleng in hawn phal a ni a, Zirtawpni (28.05.2021) bik ah erawh chuan eichawp dawr, chawhmeh leh sa zawrhna te chauh hawn phal a ni ang a, Damdawi dawr erawh chu nitin inhawn phal a ni. Dawr hawn loh ni a inhawng lui te chu pawisa chawitir an ni ang.

Dawr a thil zawrh tur bungrua leh mamawh la tur te chuan, LLTF phalna/hriatpuina in Thawhtanni leh Ningani zan dar 8:00 atanga zing dar 4:00 inkarah Agencies te hnen atangin an in chahkhawm thei ang.

3. Permit pekchhuah chungchang: Eng emaw harsatna bik thil leh emergency case (damlohna leh thihna lam kaihhnawih) ah lo chuan, chhuah phalna permit hi pekchhuah a ni tawh lovang. Loh theihloh thila pawn chhuak turte chuan, hmaituam leh inkarhlata awm an ngai pawimawh em em tur a ni.

4. Sample test chungchang: Eng emaw inrinhlelhna neih avang leh mahni duhthu a sample test tur reng reng te chuan LLTF hnenah in hriattir thin tur a ni.

5. Phal taka LLTF tanpuina Sum leh pai leh thil dang min pe thintu zawng zawng te hnenah LLTF chuan lawmthu kan sawi mawlh mawlh e.

6. Lockdown chhunga ei leh bara harsatna neite chuan inthlahrung lovin, Section YMA hruaitute hnenah emaw, LLTF hnenah emaw in hriattir thin tur a ni.

7. Hri pui laka vengchhung kan him zel theihna atan hian, LLTF member te chu chhun leh zan lamah ngawrh taka duty thin a ni a, veng mipuiten duty te thu leh hla ngaichanga, thuawih taka awm theuh tur a ni. A tul dan a zirin duty tur hian LLTF member te bakah, vengchhunga Sawrkar hnathawkte pawh ruat thin an ni ang.

Sd/-
Secretary
LLTF, Nursery Veng

Leave a Reply