NURSERY VENG LOCAL LEVEL TASK FORCE EMERGENCY MEETING NEIH A NI

Ni 23.04.2021 (Zirtawpni) a vanduaithlak taka kan vengah Covid-19 positive mi 7 lai mai hmuhchhuah thar a nih tak avangin hemi zan hian Local Level Task Force Emergency Meeting neih nghal a ni a, hma lak dan tur tul ang te sawi ho niin, thu chhuah siam nghal a ni.

1. Thuleh awm hma loh chu tumah pawn chhuah loh tur a ni.

2. Ni 24.04.2021 (Inrinni)-ah vengchhung dawr zawng zawng khar vek tur a ni a, sa, thlai leh eichawp thil dangte pawh vengchhungah zawrh chhuah phal a ni lo.

3. Vengchhunga hnathawh laklawh, insak leh hna dang reng reng pawh Ni 24.04.2021 (Inrinni)-ah chuan tawp san rih vek tur a ni.

4. Vengchhung mi hnathawk a vengdang a chhuah leh hnathawk tura vengdang atanga rawn luh pawh Ni 24.4.2021 (Inrinni) bikah chuan phal a ni lo.

5. LLTF atanga chhuah phalna lehkha lak thin pawh thuleh awm hma chuan tihtawp rih a ni a, damlohna leh thihna avanga chhuah ngei ngei ngaite chuan phone hmangin LLTF hruaitute biakrawn tur a ni.

6. Chhungkua leh mimal a home quarantine zingah pawn a la tei chhuak te kan awm tih hriat a ni a, tun hnuah hetiang hi ti tawh lo turin home quarantine mekte hriattir kan ni a, thuawih lote lakah Sawrkarin dan a siam angin
hremna lekkawh zel a ni ang.

7. LLTF-in inkhuahkhirhna a siam chhunga ei leh in a harsatna nei te kan awm chuan LLTF hruaitute hnenah in hriattir zel tur a ni.

Leave a Reply