Nursery Veng Local Level Task Force on Covid-19

Ni 19.04.2020 (Pathian ni) atanga 25.04.2020 (Inrinni) zan dar 7 : 00 thleng a tanpuina lo lut te

1. Pu H. Zothanpuia, Y-Section : Rs.1,000
2. Pu Robert Lalramhluna, A-Section : Rs. 1,000
3. Pi Zodingpuii, AMC : Rs. 10,000
4. Pu S.L. Thansanga, Y-Section : Rs. 2,000
5. Pu C. Lianmawia, A-section : Rs. 3,000

Nursery Veng Local Level task Force in tun thlenga mimal hnen atanga tanpuina a dawn te;
Y – Section : Rs. 95,500
M – Section : Rs. 6,700
A – Section : Rs. 54,100
Total : Rs. 1,56,300.

Sawrkar, Kohhran, Pawl leh hmundang atanga hmuh zat : Rs. 1,43,500

Hmuh zawng zawng zat : Rs. 2,99,800
Hmanral zawng zawng zat : Rs. 1,90,780
Balance : Rs. 1,09,020

Veng mipui mi inphalte zarah Nursery veng Task Force te chu tun thleng hian mualpho lovin kan la kal thei zel a, a lawmawm tak zet a ni. He kan hripui avang hian nunphung a buai lo thei si lova, mi tam tak ei leh barah harsatna tawh theih a ni. Amaherawh chu sawrkar leh veng mipui inphalte zarah harsatna lian tham tawk kan awmlo niin kan hria a, a lawmawm tak zet a ni. Sum leh pai rawn thawhtu zawng zawngte chungah lawmthu kan sawi tak meuh meuh a ni. Pathian in a let tam takin malsawmna in a vur che u kan ring tlat a ni.

Kan hripui do mek ala reh loh avangin leh sawrkar thupek angin Lockdown/Curfew la chhunzawm zel a ni a, kan veng pawhin kan zawm tha hle in kan hria a, a lawmawm, loh theih loha chhuah ngai heng sawrkar hnathawk te, damlohna avanga chhuah ngai tak tak lo te chu inlamah ila tawm hram hram ang u, chu lo chu invenna kan la nei si lo. A chhuak thin te pawhin kan himna ngai pawimawh hram hram ila, hmai tuam lo chuan khawlai ah i chhuak lo hram hram ang u, sawrkar thupek a nih vang ni lovin, he hripui laka kan inven theihna awm chhun, kan himna tur a ni tih i hre thar leh ang u.

Tlawmngai a duty tura ruatte in fakawm tak zet e, hri hlauhawm a ni tih hre reng chunga veng/ram a him theihna tur a tana tha thawhtu zawng zawngte kan chhuang che u in, kan thlamuanpui tak zet che u a ni. In in pekna ah lawmthu kan sawi tak meuh e. Duty te riltam hlau a thingpui leh a hmeh tui tak min rawn pe thin tu zawng zawngte chungah pawh lawmthu kan sawi mawlh mawlh e.

A tawp berah chuan veng mipuite in thuawihna ah lawmthu kan sawi nawn leh a, he inkharkhip hun chhung reilo te la awm hi tuar hram hram turin kan in ngen thar leh a. A bikin tar leh kum lama naupang zawkte pawn chhuak lo hram hram ang u. I himna kha i kutah a awm a ni.

Leave a Reply