NURSERY VENG LOCAL LEVEL TASK FORCE THU CHHUAH

Dt 13.4.21 (Thawhleh) zana Nursery Veng LLTF Meeting chuan vengchhung mipuite zawm tur a hnuaia tarlan ang hian thuchhuah a siam a, Covid – 19 thawhhnihna (Second wave) laka kan vengchhung himna turin thuchhuah hi thuawih taka zawm theuh tur a ngen kan ni.

1. State pawn atanga rawn haw (zin/zirlai/ sumdawng/ hnathawk/ etc) te chu ni 7 (Sarih) aia tlem lo inkhung hrang (home quarantine) tur leh mahni sum senga RT-PCR test ngei tur ngen kan ni.

2. Thuleh awm hma chu kan vengchhungah State pawnlam atanga mikhual neih khap ani.

3. State pawn atanga rawn haw tur ten, an rawn haw hma in – hming, kum, contact number, haw ni tur leh khawi hmun atanga rawn haw tur nge an nih tih LLTF hnenah an hriattir hmasa thin tur a ni a, Entry point a test result pawh an thawn thin tur a ni.

4. Mahni duhthu a RT-PCR emaw RAgt test tir te chuan, SOP in a tarlan angin LLTF hnenah in report thin tur a ni.

5. Vengchhunga infiamna hmun kan neih te hi veng mite tan chuan hman phal a ni a, veng pawnlam mi tan erawh hman phal a ni lovang.

6. Zanlam dar 8:30 – 4:00 Am inkar Curfew hi tha taka zawm theuh turin veng mipuite kan inngen a, hemi hun chhung hian pawn chhuak lo turin kan inhhriattir bawk e.

7. Vengchhung a dawr awmte chu zan dar 8:30 Pm thleng hawn theih a ni ang a, chumi hnu lam chu Curfew a nih tawh avangin dawr pawh hawn phal a ni tawh lovang.

8. Gov’t Johnson College zirlai te zingah Covid 19 positive an awm avangin, kan veng atanga Johnson College a kal, positive nena in contact hnaivai deuh ni a inhria te chu, positive nena in contact dan kimchang nen LLTF hnenah in report vek tur a hriattir kan ni e.

Hripui thawhhnihna laka nang leh kei, kan veng mipuite kan him tlan theih nan Sorkar thuchhuah te thuawih taka zawm turin kan inngen a, kut silfai ngun te, Social distancing te, hmaituamna te ngai pawimawh thar leh ila, kan phak ang tawkin i fimkhur thar leh ang u.

Sd/-
Michael Lalruatdika
Secretary
LLTF, Nursery Veng

NURSERY VENG
LOCAL LEVEL TASK FORCE THU CHHUAH

Leave a Reply